५ हजार भन्दा बढी युक्रेनीहरू जापोरिजिया नाकामा फसेको युक्रेनी अधिकारीले बताएका छन ।

सिएनएनका अनुसार युक्रेनको दक्षिणपूर्वी जापोरिजिया क्षेत्र रुसी नाकामा युक्रेनी-नियन्त्रित क्षेत्रको लागि निकास हुने एक मात्र सुरक्षित बाटो हो । तर नाका वरपर सयौं गाडीहरू लाममा लागेको दृश्यहरु सामाजिक संजालमा प्रकाशित भएका छन् । फसेका मानिसहरु पार गर्न असमर्थ रहेको सिएनएनले जनाएको छ ।

रुसले कब्जा गरेको इलाकामा रहेको मेलिटोपोलका नगर प्रमुख इभान फेदोरोभले मंगलबार युक्रेनी दूरदर्शन (टेलिभिजन)मा भने “कब्जा गरिएका क्षेत्रहरूबाट निकासी सबैभन्दा ठूलो समस्या हो। आज निकासी लगभग असम्भव छ।”

मानिसहरूले कब्जा गरिएका क्षेत्रहरू खेरसन, जापोरिजिया ,डोनेट्स्क र लुहान्स्कलाई भासिलिभकाको नाकाबाट छोड्ने प्रयास गरिरहेका छन् भने केही सात दिनदेखि सडकमा बसेका र आफ्नो सवारी साधनमा सुतेका ,उनले बताए ।

‘आज ५ हजारभन्दा बढी मानिस, १२ सयभन्दा बढी गाडीहरुमा त्यहाँ भेला भएका छन्,’ उनले भने ।

हालसालै केही दिनहरूमा छोड्न पर्खिरहेका पाँच व्यक्तिको मृत्युको भएको समेत उन्ले बताए ।

मानिसहरु आफ्नो लागि खाना किन्न पनि जान सक्दैनन्।

रुसीहरूले मानिसहरूलाई शहरमा खाना किन्न जाने अनुमति दिने एउटै सर्त भनेको उनीहरूसँग भएका सबै कागजातहरू (राहदानी, चालक इजाजतपत्र आदि) छोड्नु हो र त्यसपछि तिनीहरूलाई संकलन गर्नु हो, उन्ले थपे ।