रुसी विपक्षी नेता मस्को फर्किएपछि पक्राउ परेका छन्। रुसी अधिकारीहरूले सोमबार एक ७२ वर्षीय उदार राजनीतिज्ञलाई छोटो समयका लागि हिरासतमा लिएका छन् जो भर्खरै विदेशबाट मस्को फर्केका थिए ।

लियोनिद गोजम्यानलाई रुसी आन्तरिक मन्त्रालयले पक्राउ गर्न पक्राउ पुर्जी जारी गरेपछि उनी विरुद्ध आपराधिक मुद्दाको अनुसन्धान गरिरहेको छ ।

गोजम्यानलाई कानुन उल्लंघन गरेको आरोप लगाइएको छ जसमा रूसी नागरिकहरूले विदेशी नागरिकता वा आवासीय अनुमतिको बारेमा अधिकारीहरूलाई सूचित गर्न आवश्यक छ। यदि दोषी पाइएमा गोजम्यानलाई जरिवाना वा सामुदायिक कार्यको सजाय हुन सक्छ भनि एबिसीन्यूजले समाचारमा उल्लेख गरेको छ ।

गोजम्यानले आफ्नो इजरायली नागरिकताको बारेमा अधिकारीहरूलाई सूचित गरेका थिए तर उनीहरूले दाबी गरे कि उनले आवश्यक समय भित्र त्यसो गर्न सकेनन् भनि आरोप लगाएका छन् ।

उनि युक्रेनमा क्रेमलिनको आक्रमणका कटु आलोचक हुन् । रूसी न्याय मन्त्रालयले उनलाई “विदेशी गुप्तचर ” अर्थात् एजेन्ट को रूपमा सूचीबद्ध गरेको छ ।

सोमबार अन्वेषकहरूसँग भेट गरे लगत्तै गोजम्यानलाई प्रहरीले मस्को भूमिगत मार्गमा हिरासतमा लिएको थियो जसले उनलाई संघीय गिरफ्तारी पक्राउ पुर्जीमा रहेको बताएको थियो। उनलाई पछि रिहा गरिएको छ भने तर उनी विरुद्धको फौजदारी मुद्दा अझै विचाराधीन छ।

सोमबार रिहा भएपछि गोजम्यानले अधिकारीहरूले उनको पुरानो ठेगानामा पठाइएको हाजिर हुने आदेशलाई जवाफ नदिएपछि उनको गिरफ्तारीको लागि पक्राउ पूर्जी जारी गरेको, उनले बताए । उनले आफूलाई कारागार सजाय सुम्पिने डर भएको बताए ।

“म ७२ बर्षको हुँ। रूसी कारागार मेरो उमेरको लागि होइन। म बाँच्दिनँ,’ उनले भने ।

गोजम्यानले अझै म रुस छोड्न नचाहेको बताए ।