फिलिपिन्सको बिश्वबिद्यालयमा एक व्यक्तिले अन्धाधुन्ध गोली चलाउँदा ३ जनाको मृत्यु भएको छ । फिलिपिन्सको राजधानी क्षेत्रको विश्वविद्यालय परिसरमा आइतबार एक बन्दुकधारीले अन्धाधुन्ध गोली चलाउँदा एक पूर्व नगर प्रमुख तथा अन्य दुई जनाको दिक्षान्त समारोह अघि आक्रमणमा मृत्यु भएको प्रहरीले जनाएको छ।

संदिग्ध दुईवटा पिस्तौलले सशस्त्र रहेको र उनले उपनगरीय क्वेजोन शहरको एटेनियो दे मनिला विश्वविद्यालयबाट भाग्ने प्रयास गरेको सवारी साधन (कार)मा समातिएको प्रहरीले भने। उनलाई साक्षी र अधिकारीहरूले विश्वविद्यालयको द्वार बाहिर रोकेका थिए।

फराकिलो विश्वविद्यालयलाई तालाबन्दी गरिएको थियो र कानूनको दिक्षान्त समारोह रद्द गरिएको प्रहरीले बताए ।

अन्वेषकहरूले आक्रमणको कारण पत्ता लगाउन प्रयास गरिरहेको क्वेजोन नगर प्रहरी प्रमुख रेमुस मेडिनाले संदिग्ध चिकित्सक भएको बताए । उनको पूर्व नगर प्रमुखसंग लामो समय देखि विवाद भएको बताईएको छ ।

आक्रमणमा उनको सहयोगी र विश्वविद्यालयका सुरक्षाकर्मी सहित उनको मृत्यु भएको थियो ।

नवनिर्वाचित राष्ट्रपति फर्डिनान्ड मार्कोस जुनियरले आक्रमणको छिट्टै छानबिन गर्ने र हत्यामा संलग्नहरूलाई न्यायको कठघरामा ल्याउने वाचा गरे।

“हामी आज एटेनियो दिक्षान्तमा भएका घटनाहरूबाट स्तब्ध र दुःखी छौं,” मार्कोस जूनियरले भने।

समाचार/तस्बिर कृतज्ञता : एपी न्यूज/एबिसीन्यूज