ओलीदाईलाई बिष्णु र गोकुलहरु प्यारा
छबिलालदाइलाई छोरी बुहारी र कृष्णहरु प्यारा
शेरबहादुर दाइलाई भ्रस्ट गच्छेदारहरु र
इट्टाभट्टामा हालेर मान्छे मार्ने आलमहरु प्यारा
बाबुराम दाइलाई उपेन्द्र यादबहरु प्यारा
कमलदाइले कुर्सी पाए काङ्रेस एमाले माओवादी सबै प्यारा
कुर्सी नपाए हिन्दू धर्म, सँस्कृती, राजा र गाई प्यारा
भैयादाइहरुले कुर्सी पाए कुर्सीहरु प्यारा
नपाए लाजिम्पाट, लालु यादब र मोदीहरु प्यारा
ठुला राजालाई मन्दिरका घण्टहरु प्यारा
साना राजाहरुलाई पिर्का, कुर्सी र टेबल प्यारा
ठेकेदारहरुलाई ठुला नेताहरु प्यारा
नेताहरुलाई जनता होइन मार्सीबादीहरु प्यारा
हामी जनतालाई ति सबै सबै प्यारा !
चुनाव चिन्ह सूर्य, रुख, पन्जा, गाई झन प्यारा !!

– रामप्रसाद खनाल