अमेरिकाको स्वतन्त्रता दिवस (जुलाई ४) को अवसरमा हरेक वर्ष आयोजना हुने विश्वप्रसिद्ध नाथन्स फेमस हटडग खाने प्रतियोगितायस वर्ष पनि न्यूयोर्कको कोनी आइल्याण्डमा भव्य रूपमा सम्पन्न भएको छ। 

हजारौं दर्शकको उपस्थितिमा भएको यो रमाइलो प्रतियोगितामा पुरुष र महिलातर्फका पुराना च्याम्पियनहरूले फेरि आफ्नो उत्कृष्ट प्रदर्शन दोहोर्याएका छन्।  

पुरुषतर्फ जोई चेस्टनट ले १० मिनेटभित्र ६६ वटा हटडग र बन खाएर पहिलो स्थान हासिल गरे। यो उनको १८औँ उपाधि हो। उनले आफ्नै सन् २०२१ मा बनाएको ७६ वटा हटडग खाने विश्व कीर्तिमान भने यसपटक तोड्न सकेनन्। प्रतियोगितापछि उनले अत्यधिक गर्मी र आर्द्र मौसमका कारण अपेक्षाअनुसार प्रदर्शन गर्न गाह्रो भएको बताए। दोस्रो स्थानमा प्याट्रिक बर्टोलेटी रहे, जसले ५१ वटा हटडग खाए।  

महिलातर्फ मिकी सुडो ले पनि उत्कृष्ट प्रदर्शन गर्दै ३८.७५ वटा हटडग खाएर १२औँ पटक बिजेका बन्न सफल भइन्। उनले लगातार उत्कृष्ट प्रदर्शन गर्दै आफू विश्वकै सफल महिला प्रतिस्पर्धी भएको फेरि प्रमाणित गरिन्। दोस्रो स्थानमा मिशेल लेस्को रहिन्।  

यस वर्ष प्रतियोगिता अमेरिकाको २५०औँ स्वतन्त्रता दिवस उत्सवसँगै आयोजना गरिएको थियो। अत्यधिक गर्मीका बाबजुद हजारौं दर्शक प्रतियोगिता हेर्न पुगेका थिए। 

प्रतियोगीहरूले केवल १० मिनेटमा सकेसम्म धेरै हटडग खाने प्रयास गरेका थिए, जसका आधारमा विजेता घोषणा गरिएको थियो।  

यो प्रतियोगिता अमेरिकाको सबैभन्दा लोकप्रिय परम्परागत खेल–मनोरञ्जनमध्ये मानिन्छ ।

यस वर्ष पनि जोई चेस्टनट र मिकी सुडोले आफ्नो दबदबा कायम राख्दै लाखौं दर्शकलाई प्रभावित पारे।