फिफा विश्वकप भकुन्डो प्रतियोगिता २०२६ अन्तर्गत समूह ‘जी’ को महत्त्वपूर्ण खेलमा बेल्जियम र इरान ०–० गोल रहित बराबरीमा खेल समाप्त भएको छ ।

खेलभर दुवै टोलीले गोल गर्ने प्रयास गरे पनि उत्कृष्ट रक्षापंक्ति र गोलरक्षकको प्रदर्शनका कारण कुनै पनि टोलीले जाली चुमाउन सकेन।  

बेल्जियमले बल आफ्नो नियन्त्रणमा धेरै राख्दै लगातार आक्रमण गर्‍यो। तर इरानका गोलरक्षकले शानदार बचाउ गर्दै टोलीलाई हारबाट जोगाए। इरानी खेलाडीहरूले पनि केही राम्रो अवसर सिर्जना गरे, तर त्यसलाई गोलमा परिणत गर्न सकेनन्।  

खेलको मध्यान्तर पछि बेल्जियमका एक खेलाडीले रातो कार्ड (पत्र ) पाएपछि टोली १० खेलाडीमा सीमित भयो। 

त्यसपछि इरानले थप आक्रमणको प्रयास गरे पनि अन्तिमसम्म गोल निकाल्न सकेन।  

यस बराबरीसँगै दुवै टोलीले एक–एक अंक थपेका छन्। 

अब समूह चरणबाट अर्को चरणमा पुग्न दुवै टोलीका लागि अन्तिम खेल निकै महत्त्वपूर्ण बनेको छ। 

समर्थकहरूले रोमाञ्चक प्रतिस्पर्धा देखे पनि गोल नदेख्दा केही निराश भए। 

तर दुवै टोलीको अनुशासित खेल, बलियो रक्षा र गोलरक्षकको उत्कृष्ट प्रदर्शनले यो खेललाई स्मरणीय बनाएको छ।