अमेरिकाको मिजौरी राज्यको बटलर क्षेत्रमा आइतबार भएको विमान दुर्घटनामा विमानमा सवार सबै १२ जनाको मृत्यु भएको बताइएको छ। दुर्घटना बटलर मेमोरियल विमानस्थल नजिक भएको थियो।

प्राप्त जानकारीअनुसार विमान उडानका क्रममा दुर्घटनाग्रस्त भएको हो। दुर्घटनापछि घटनास्थलमा आपत्कालीन उद्धार टोली र मिजौरी राज्य राजमार्ग गस्ति प्रहरीका अधिकारीहरू पुगेका थिए।

अधिकारीहरूले दुर्घटनाको कारण पत्ता लगाउन अनुसन्धान सुरु गरेका छन्।  हालसम्म दुर्घटना किन भयो भन्ने आधिकारिक जानकारी सार्वजनिक गरिएको छैन।

दुर्घटनामा ज्यान गुमाएकाहरूको पहिचान र थप विवरण सम्बन्धित निकायले सार्वजनिक गर्ने अपेक्षा गरिएको छ।

यो दुर्घटना अमेरिकामा हालैका दिनहरुमा भएको दुःखद हवाई दुर्घटनामध्ये एक मानिएको छ। 

अधिकारीहरूले घटनाको विस्तृत छानबिन गरी दुर्घटनाको वास्तविक कारण सार्वजनिक गर्ने बताएका छन्।