नेपालको राजनीतिक इतिहासमा अहिले एउटा यस्तो अभूतपूर्व पराकम्पन सञ्चार भएको छ, जसले तीन दशकदेखि देशलाई खोक्रो बनाएका पुराना शक्तिहरूको निद्रा हराम गरिदिएको छ। यो फागुन २१ को निर्वाचन केवल एउटा प्राविधिक मतदान मात्र होइन; यो त ३५ वर्षसम्म देशको रगत-पसिना चुस्ने ‘राजनीतिक सिन्डिकेट’ विरुद्ध नेपाली जनताले घोषणा गरेको निर्णायक महायुद्ध हो।

बिगत ३५ वर्षदेखि पालैपालो सत्ताको कुर्सी साटासाट गर्दै देशलाई कङ्गाल बनाउने ती तीन ठूला दलहरूलाई अब ‘ठाउँको ठाउँ’ रोक्ने बेला आएको छ। नेपाली जनताले वि.सं. २००७ साल पछिकै सबैभन्दा तीव्र ‘चुनावी लहर’ महसुस गरिरहेका छन्। अब आश्वासनको खेती चल्ने छैन, किनकि जनताले आफ्नो विवेकको हतियार उध्याइसकेका छन्।

राष्ट्रिय स्वतन्त्र पार्टीका सभापति रवि लामिछाने र परिवर्तनका संवाहक बालेन शाहको संयुक्त आँधीले भ्रष्टाचारको त्यो विषवृक्षलाई जरैदेखि हल्लाइदिएको छ। विद्धान भिमार्जुन आचार्यले बारम्बार चेतावनी दिएझैँ— यदि पटक-पटक सत्तामा पुगेर असफल भएका अनुहारहरूलाई यसपटक पनि रोक्न सकिएन भने, जनमानसको यो आक्रोशले खरबौँको क्षति र भयावह विद्रोह निम्त्याउन सक्छ। त्यसैले, यो निर्वाचन ती ‘असफल पात्र’ हरूलाई घर पठाउने अन्तिम मौका हो।

झापाको दमकमा बालेन शाह पुग्दा उर्लिएको त्यो जनसागर सामान्य दृश्य होइन; त्यो त वर्षौँदेखि गुम्सिएको आक्रोश र नयाँ नेपालप्रतिको भरोसाको विष्फोट हो।

अब निर्वाचन हुन मात्र ४ दिन बाँकी छ। विश्वका कुना-कुनामा रहेका नेपालीहरू, जो आफ्नै देशमा भविष्य नदेखेर पराई भूमिमा पसिना बगाउन बाध्य छन्, उनीहरू अहिले ‘परिवर्तनको राँको’ बोकेर गाउँ-गाउँ र शहर-शहर फर्किएका छन्। उनीहरूको एउटै अठोट छ— ३५ वर्षसम्म देश लुट्ने यी ‘राजनीतिक डायनासोर’ हरूलाई अब इतिहासको पानाबाट सदाका लागि गायब बनाइदिने।

यो निर्वाचन हाम्रो पुस्ताको अन्तिम अवसर हो। यदि अब पनि हामीले यो भ्रष्ट सिन्डिकेटलाई जरैदेखि उखेलेनौँ भने, हाम्रा सन्ततिले हामीलाई कहिल्यै माफ गर्ने छैनन्। प्रत्येक चोक, गल्ली र चिया पसलमा अब भ्रष्टहरूलाई प्रश्न सोध्ने र मतदानको बाकसबाट उचित जवाफ दिने बेला आएको छ।

बिर्सनु हुँदैन— फागुन २१ को एक छापले तपाईको र तपाईको देशको आगामी ३५ वर्षको भविष्य तय गर्नेछ। उठ्नुहोस्, जाग्नुहोस् र विवेक प्रयोग गर्नुहोस् !