रुस र अमेरिकाबीच अहिले एउटा तेल बोकेको जहाजलाई लिएर तनाव बढेको छ। ‘बेला-१’ नाम गरेको एउटा ठूलो जहाज भेनेजुएलातर्फ तेल लिएर जाँदै थियो। तर, अमेरिकाले उक्त देशमा तेल लैजान प्रतिबन्ध लगाएकाले अमेरिकी तटरक्षक बलले त्यसलाई पक्रन खोजिरहेको छ।

पक्राउ पर्ने डरले उक्त जहाजले पछिल्लो दुई हप्तादेखि समुद्रमा आफ्नो बाटो बदल्दै लुकामारी खेलिरहेको छ।

सिएनएनका अनुसार रोचक कुरा के छ भने रुसले उक्त जहाजको नाम बदलेर आफ्नो सरकारी सूचीमा दर्ता गरेको छ।

यसै विषयलाई लिएर रुसले नयाँ वर्षको अघिल्लो दिन अमेरिकालाई एक कूटनीतिक पत्र पठाउँदै आफ्नो जहाजलाई दुःख नदिन र पिछा गर्न छोड्न आग्रह गरेको छ।

अमेरिकी राष्ट्रपति डोनाल्ड ट्रम्पले भेनेजुएला जाने तेल जहाजहरूलाई रोक्न कडा आदेश दिएका छन् ।

एकातिर युक्रेन युद्ध रोक्न ट्रम्प र पुटिनबीच कुराकानी भइरहेको छ भने, अर्कोतिर यो जहाजको विषयले दुई देशबीच नयाँ विवाद जन्माएको छ। हालसम्म अमेरिका र रुसी दूतावासले यस विषयमा आधिकारिक रूपमा केही बोलेका छैनन्।

तस्बिर : कृतिम बुद्धिमत्ता (च्याटजिपीटी)