तेस्रो त्रैमासिकमा अमेरिकी अर्थतन्त्र ४.३% को अप्रत्याशित र बलियो वार्षिक दरले वृद्धि भएको छ। 

एपिका अनुसार यो पछिल्लो दुई वर्षयताकै सबैभन्दा तीव्र विस्तार हो। सरकारी र उपभोक्ता खर्चका साथै निर्यातमा भएको वृद्धिका कारण यो प्रगति सम्भव भएको हो।

मंगलबार वाणिज्य विभागले सार्वजनिक गरेको प्रतिवेदन अनुसार, जुलाईदेखि सेप्टेम्बरसम्मको अमेरिकी कुल गार्हस्थ्य उत्पादन अघिल्लो त्रैमासिकको ३.८% बाट वृद्धि भएको छ। 

सरकारी कामकाज बन्द भएका कारण यो प्रतिवेदन सार्वजनिक हुन केही ढिलाइ भएको थियो। 

तथ्याङ्क प्रदायक संस्था ‘फ्याक्टसेट’  ले सो अवधिमा ३% वृद्धिको मात्र अनुमान गरेको थियो, तर वास्तविक नतिजा त्योभन्दा निकै राम्रो देखिएको छ।