फ्रान्सका संयुक्त राष्ट्रसंघीय दूत जेरोम बोन्नाफोन्टले इरानलाई अन्तर्राष्ट्रिय परमाणु ऊर्जा एजेन्सी (आइएइए ) सँग पूर्ण सहयोग पुनः सुरु गर्न र संयुक्त राष्ट्रसंघका परमाणु निरीक्षकहरूलाई आफ्ना परमाणु प्रतिष्ठानहरूमा सकेसम्म चाँडो पहुँच दिन आह्वान गरेका छन्।

यसको उद्देश्य इरानको युरेनियम भण्डार सारिएको छैन भनी सुनिश्चित गर्नु हो।

बोन्नाफोन्टले तेहरानलाई “बलियो, प्रमाणित गर्न सकिने र स्थायी कूटनीतिक समाधान” का लागि वार्तामा फर्कन पनि आग्रह गरे, जसले इरानले परमाणु हतियारहरू निर्माण गरिरहेको छ भन्ने अन्तर्राष्ट्रिय चिन्ताहरूलाई सम्बोधन गर्न सकोस्।

उनले सुरक्षा परिषद्को बैठकमा बोलेका थिए, जुन इरान र ६ प्रमुख शक्तिहरूबीचको २०१५ को परमाणु सम्झौतालाई अनुमोदन गर्ने प्रस्तावबारे छलफल गर्नका लागि आयोजित थियो।

एपीका अनुसार सो सम्झौताले इरानको परमाणु कार्यक्रमलाई नियन्त्रणमा राख्नका लागि व्यापक प्रतिबन्धहरू लगाएको थियो। इरानको परमाणु गतिविधि र स्थानान्तरणसम्बन्धी अन्तिम प्रतिबन्धहरू अक्टोबर १८ मा समाप्त हुँदैछन्।

बोन्नाफोन्टले फ्रान्स र यसका युरोपेली साझेदारहरू बेलायत र जर्मनी जो अझै पनि परमाणु सम्झौताको हिस्सा हुन् । राष्ट्रपति ट्रम्पले २०१८ मा अमेरिकालाई यसबाट बाहिर निकालेका थिए । यसको अर्थ, यदि ग्रीष्मकालसम्म कुनै सम्झौता भएन भने संयुक्त राष्ट्रसंघका प्रतिबन्धहरू पुनः सक्रिय गरिनेछन्।

उनले इरानसँगको सम्झौतामा परमाणु हतियारहरूको प्रसार , क्षेत्रीय स्थिरता र युरोपेली सुरक्षा हितहरूलाई ध्यानमा राख्नुपर्ने बताए।