अमेरिकी राष्ट्रपति डोनाल्ड ट्रम्पले सिरियाविरुद्धको प्रतिबन्ध हटाउने आदेश दिने घोषणा गरेका छन् । उनले “सिरियालाई महानताको मौका दिन” भन्ने उद्देश्यबाट अघि बढाउने बताएका छन्। यस घोषणा पछि उपस्थित दर्शकहरूले लामो समयसम्म ताली बजाए।

ट्रम्पले भने, “यो अवसर सिरियालाई सफलता प्राप्त गर्ने अवसर दिनेछ।” उनले अमेरिकी विदेशसचिव मार्को रुबियोलाई सिरियाली नेताहरूसँग यो हप्ता भेटघाट गर्न पठाउने योजना रहेको पनि जानकारी दिए।

मंचमा सम्बोधन गर्दै साउदी अरबका नेता राजकुमारलाई धेरै मन पराउँछु भन्दै प्रशंसा गरे ।

ट्रम्पले साउदी अरबका नेताहरूसँग अमेरिकी-साउदी लगानी मञ्चमा एक लामो भाषण दिँदै आफ्नो चुनावी विजय, अनधिकृत आप्रवासन विरुद्धको कडा कदम र शुल्कवृद्धि जस्ता विषयमा आफ्नो प्रयास र सफलता बारे चर्चा गरे। यस क्रममा उनले आफ्नो पूर्ववर्ती अमेरिकी पूर्व राष्ट्रपति जो बाइडन र उनका नीतिहरूको आलोचना पनि गरे।

उनले भने, “बाइडन प्रशासनले चार वर्षसम्म केही गरेन। हामीले यो सबै पुरा गर्न सक्थ्यौं। तर जब साउदी अरब हामीसँग सामेल हुन्छ, यो मध्यपूर्वमा विशेष दिन हुनेछ र संसारले यसलाई ध्यानपूर्वक हेरिरहेको हुनेछ।”

ट्रम्पले साउदी राज कुमार मोहम्मद बिन सलमान र अन्य साउदी नेताहरूको प्रशंसा गर्दै भने, “उहाँहरूले आफ्नो देश र व्यापारमा ठूलो उपलब्धि हासिल गरेका छन्। उहाँहरुले मलाई राम्ररी चिन्नुहुन्छ। म उहाँलाई धेरै मन पराउँछु। म तपाईहरुलाई धेरै मन पराउँछु। त्यसैले हामीले धेरै केही दिइरहेका छौं।”

ट्रम्पले इरानको विषयमा पनि आफ्नो दृष्टिकोण दोहोर्याए र भने, “इरानसँग मेरो कुनै स्थायी शत्रुता छैन। म धेरै अन्य मानिसहरू जस्तो छैन। म स्थायी शत्रुहरू मन पराउँदिन, तर कहिलेकाहीं तपाईलाई शत्रुहरूको आवश्यकता पर्छ र तपाईले त्यो काम सही तरिकामा गर्नुपर्छ।”

उनले इरानलाई सही कदम चाल्न चेतावनी दिए । यदि इरानले सहमतिमा आउन नसकेमा त्यसको गम्भीर परिणाम हुने बताए । ट्रम्पले अमेरिकाको सैन्य शक्तिको प्रशंसा गर्दै भने, “मैले कहिल्यै अमेरिकाको शक्ति प्रयोग गर्न हिचकिचाउँदिन यदि यसले अमेरिकाको रक्षा गर्न वा हाम्रो मित्र राष्ट्रहरूको रक्षा गर्न आवश्यक परेको छ भने।” उनले थपे, “हाम्रो शत्रुहरूको लागि कुनै दया हुनेछैन।”

ट्रम्पले अमेरिकासँग “विश्वका सबैभन्दा राम्रो हतियारहरू” भएको बताए र भने, “हामी ती हतियारहरू प्रयोग गर्न चाहँदैनौं, तर यदि तपाईले अमेरिका वा हाम्रो साझेदारहरूको धम्की दिनुभयो भने तपाईलाई प्रचण्ड बल र विध्वंसकारी शक्ति सामाना गर्नुपर्नेछ।”