इस्लामाबाद — भारतसँगको तनाव बढेपछि पाकिस्तानले शनिबार एक ब्यालेस्टिक मिसाइल (प्राक्षेपिक क्षेप्यास्त्र )परीक्षण गरेको छ । कश्मीर क्षेत्रमा गत महिना २६ जनाको हत्याकाण्डपछि दुई देश बीच सम्बन्ध अत्यन्तै चिसिएको छ ।

पाकिस्तानी सेनाका अनुसार सतहबाट सतहमा प्रक्षेपण गरिएको क्षेप्यास्त्रको दूरी ४५० किलोमिटर (लगभग २८० माइल) छ। भारतबाट यस परीक्षणको बारेमा तत्काल कुनै प्रतिक्रिया आएको छैन । तर भारतले पाकिस्तानलाई २२ अप्रिलमा पहलगाममा भएको हत्याको जिम्मेवार ठहराएको छ, जुन पाकिस्तानले अस्वीकार गरेको छ।

पाकिस्तानको सेनाले यो क्षेप्यास्त्र परीक्षण “सैन्यको सञ्चालन तयारी सुनिश्चित गर्न र प्रविधिक महत्त्वपूर्ण मापदण्डहरूको प्रमाणिकरण गर्ने उद्देश्य” राखिएको बताए । जसमा क्षेप्यास्त्रको उन्नत पथ प्रदर्शन प्रणाली र सुधारिएको गतिशीलता (म्यानुवरेबिलिटी )विशेषताहरू समावेश छन्।

पाकिस्तानका राष्ट्रपति आसिफ अली जरदारी र प्रधानमन्त्री शहबाज शरीफले सफल परीक्षणका लागि सम्बद्ध व्यक्तिहरूलाई बधाई दिएका छन्। क्षेप्यास्त्र सामान्यतया भारतसँगको सीमा क्षेत्रमा प्रक्षेपण गरिँदैन, बरु अरबी समुद्र वा बलोचिस्तानको पश्चिमी मरुभूमिमा प्रक्षिप्त गरिन्छ।

इस्लामाबादका सुरक्षा विश्लेषक सयद मुहम्मद अलीका अनुसार यस क्षेप्यास्त्रलाई भारतीय उपमहाद्वीपका प्रसिद्ध मुस्लिम विजेताको नाममा राखिएको छ।

भारत र पाकिस्तान बीच कश्मीरको विवादमा लडाइँ र कूटनीतिक तनावको लामो इतिहास रहेको छ । कश्मीर भारत र पाकिस्तान बीच विभाजित छ । दुवैले यसको सम्पूर्णता दावी गरेका छन्।