अमेरिकी राष्ट्रपति डोनाल्ड ट्रम्पले शुक्रबार जापानलाई ऊर्जा र प्रविधिमा लगानी गर्न आग्रह गरे। साथै, उनले जापानलाई अमेरिकाको सबैभन्दा नजिकको एसियाली साझेदारका रूपमा प्रशंसा गरे र जापानी प्रतिष्ठान निप्पोन स्टीलको अमेरिकी स्टील खरिद गर्ने विवादको समाधान खोज्ने प्रयास गरे।

ट्रम्पले निप्पोन स्टीलको १४.९ बिलियन डलरको यू.एस. स्टील खरिद प्रस्ताव रोकिएको विषयमा प्रगति भएको बताए। उनले निप्पोन स्टील अब खरिद गर्ने होइन, लगानी गर्ने विचार गरिरहेको बताए। तर, कम्पनीहरूले यस विषयमा कुनै प्रतिक्रिया दिएनन्।

ट्रम्पले जापानसँगको ६८.५ बिलियन डलरको व्यापार घाटा कम गर्नुपर्नेमा जोड दिए। उनले प्रधानमन्त्री शिगेरु इसिबाको अमेरिका भित्र १ ट्रिलियन डलरको जापानी लगानी प्रतिबद्धताप्रति सकारात्मक प्रतिक्रिया दिए। जापानले अमेरिकी तरल प्राकृतिक ग्यास, इथानोल, र एमोनिया किन्न सहमति जनाएको पनि उल्लेख गरियो।

संयुक्त प्रेस सम्मेलनमा, इसिबाले ट्रम्प दूरदर्शन (टेलिभिजन )मा “डर लाग्दो” देखिने भएता पनि भेटघाटपछि उनलाई “इमानदार र शक्तिशाली” लागेको बताए।

दुबै नेताले चीनको सैन्य गतिविधि, उत्तर कोरिया, र रुससँगको सुरक्षा चिन्ताहरूमा साझा दृष्टिकोण व्यक्त गरे। ट्रम्पले जापान भ्रमण गर्ने प्रतिबद्धता जनाउँदै दुई देशबीचको मित्रता अझ बलियो हुने विश्वास व्यक्त गरे।