अमेरिकी सरकारी कर्मचारी संघले राष्ट्रपति डोनाल्ड ट्रम्प ,व्यवस्थापन तथा बजेट कार्यालय विरुद्ध मुद्दा दायर गरेको छ ।

राष्ट्रपति ट्रम्पको दोस्रो शपथग्रहण पछिको केही घण्टामा, संघीय कर्मचारीहरूको लागि सबैभन्दा ठूलो संघ अमेरिकी सरकारी कर्मचारी संघले ट्रम्प र व्यवस्थापन तथा बजेट कार्यालय विरुद्ध मुद्दा दायर गरेको छ ।

साथै सरकारी कर्मचारीहरूको जागिरको सुरक्षा गर्न कांग्रेसलाई आह्वान गरेको छ । मुद्दामा सरकारी दक्षता विभाग (डिओजीई) ले संघीय सल्लाहकार समिति ऐन (एफएसिए) को उल्लङ्घन गरेको आरोप लगाइएको छ।

संघीय कामदारहरूलाई इच्छा अनुसार बर्खास्त हुनबाट बचाउन कांग्रेसलाई हस्तक्षेप गर्न आग्रह गरिएको छ ।

एएफजीइका राष्ट्रिय अध्यक्ष एभरेट केलीले प्रमुख स्वार्थ द्वन्द्व भएका अति धनी व्यक्तिहरूको गोप्य समूहले आफूलाई नियमनमुक्त गर्ने र आफ्नै कम्पनीहरूलाई सरकारी ठेक्का दिने प्रयास गर्दा निजामती कर्मचारीहरूलाई बर्खास्त गर्ने र अमेरिकी जनताको सेवा गर्न योजना गरिएका संस्थाहरूलाई भत्काउने प्रयास गर्दा एएफजीइ चुप लागेर बस्नेछैन,” केलीले एक विज्ञप्तिमा भने।

उनले अगाडी भने , “यो लडाई निष्पक्षता, जवाफदेहिता र हाम्रो सरकारको अखण्डताको बारेमा हो। संघीय कर्मचारीहरू समस्या होइनन् ,तिनीहरू समाधान हुन्।” उनीहरूको काम, उनीहरूका निकायहरू र उनीहरूले सेवा गर्ने जनतालाई असर गर्ने निर्णयहरूमा उनीहरूको आवाज सुनिनुपर्छ।”