जनवरी ६ ,२०२१ मा देशद्रोहको षड्यन्त्रमा २२ बर्ष सजाय भोगी रहेका प्राउड ब्वाइजका नेताले निर्वाचित राष्ट्रपति डोनाल्ड ट्रम्पलाई आम माफी दिन पत्राचार गरेका छन् ।

क्यापिटल अर्थात् संसद भवन आक्रमणमा हालसम्मको सबैभन्दा लामो जनवरी ६ को सजाय भोगिरहेका एनरिक टारियोलाई दंगाको योजना बनाउनको लागि अहम भूमिका गरेको भन्दै देशद्रोहको षड्यन्त्र गरेको आरोपमा दोषी ठहर गरिएको थियो।

संघीय कारागारमा २२ वर्ष सेवा गरिरहेका पूर्व प्राउड ब्वाईजका अध्यक्ष एनरिक टारियोले राष्ट्रपति ट्रम्पलाई क्षमा दिन अनुरोध गरेका छन्।

जनवरीमा पदभार ग्रहण गरेपछि केही दंगा गर्नेहरूलाई माफी दिने वाचा गरेकोले उनले निर्वाचित राष्ट्रपति ट्रम्पलाई पत्राचार गरेका हुन् ।

मे २०२३ मा राजद्रोहको षड्यन्त्रमा दोषी पाइएका अति दक्षिणपन्थी प्राउड ब्वाईज समूहका चार सदस्यमध्ये टारियो एक थिए। उनले २२ वर्षको जेल सजाय भोग्नु परेको र जनवरी ६ मा भएको सबैभन्दा लामो सजाय हो, यद्यपि उनी आक्रमणको लागि वाशिंगटन डिसीमा थिएनन्।

उनलाई गिरफ्तार गरिएको थियो र राजधानीबाट टाढा बस्न आदेश दिइएको थियो । जनवरी ६ मा अमेरिकी संसद भवन (क्यापिटल )आक्रमणको सम्बन्धमा १ ५ ,८० )भन्दा बढी प्रतिवादीहरूलाई आरोप लगाइएको छ। १,२७० प्रतिवादीहरूलाई दोषी ठहराइएको छ।

ट्रम्पले कति वा कुन श्रेणीका प्रतिवादीहरूलाई माफी दिने योजना छ भन्ने बारे विस्तृत जानकारी दिएका छैनन्।