एफबीआईले अमेरिकाको भर्जिनिया राज्यको एक घरमा इतिहासमा सबैभन्दा ठूलो विस्फोटक पदार्थ बरामद गरेको जनाएको छ ।

एफबीआईले यस महिनाको सुरुमा भर्जिनियाका एक व्यक्तिलाई पक्राउ गरेको छ । बिभागले आफ्नो इतिहासमा सबै भन्दा ठूलो विस्फोटक उपकरणहरू फेला पारेको अदालतको कागजातमा जनाईएको छ ।

संघीय अभियोजकहरूले ती व्यक्तिको नाम सार्वजनिक गरेको छ । उक्त व्यक्ति ब्राड स्पाफोर्ड भएको र डिसेम्बर १७ मा दर्ता नगरिएको छोटो राइफल बन्दुक राखेको आरोपमा पक्राउ गरेपछि हिरासतमा राखिएको छ ।

आइल अफ वाइट( आइल वाइट )काउन्टीमा स्पाफोर्डको २० एकड खेतमा खोजी पक्राउ पूर्जी कार्यान्वयन गर्दा अन्वेषकहरूले १५० भन्दा बढी घरेलु काम चलाउ विस्फोटक उपकरणहरूको भण्डार फेला पारे । अर्थात १५० भन्दा ज्यादा नली बम फेला पारिएको थियो ।

अभियोजकहरूका अनुसार उनीहरूले केही नली बमहरूलाई “घातक” सूचक पत्र (लेबल )गरिएको र एक स्पष्ट पहिरन योग्य वस्त्रमा पहिले नली बम भरिएको बताए। पत्र पत्रिकाका अनुसार उनले राष्ट्रपति जो बाइडेनलाई लक्ष्य बनाएको जनाएका छन् ।

धेरै जसो उपकरणहरू यानशाला ( गराज) फेला परेका थिए । त्यस्तै अन्यहरू “पूर्ण रूपमा असुरक्षित” शयनकक्षमा पछाडी भिर्ने झोलाहरु फेला परेका थिए। त्यस्तै अन्वेषकहरूले खाद्य वस्तुहरूको छेउमा भण्डार गरिएको भाँडो फेला पारे । त्यहाँ “खतरनाक” र नछुनु होस् लेखिएको अभियोजकहरूले भने।

अदालतका कागजातहरूका अनुसार स्पाफोर्डका एक छिमेकीले हतियार भण्डार गरिरहेको र उनको दाहिने हातको तीन औंलाहरू गुमाएको कुरा अधिकारीहरूलाई बताएपछि २०२३ को सुरुमा अनुसन्धान सुरु भएको सिबिएसन्यूजले जनाएको छ ।

“आफ्नो घरमा बनाएको विस्फोटक पदार्थको परिणाम स्वरूप आफ्नै औंलाहरू गुमाए पनि उनले घरको हिमीकरण (फ्रिजर)मा सम्पूर्ण परिवारले पहुँच गर्न सक्ने खाद्य वस्तुहरूको छेउमा असाधारण खतरनाक विस्फोटक पदार्थ राख्ने स्पष्ट उल्लेखनीय निर्णय गरे,” अभियोजकहरूले भने ।

उनका वकिलहरूले उनीसँग कुनै आपराधिक अभिलेख नभएको र कुनै पदार्थ दुरुपयोग वा मानसिक रोगको इतिहास नभएको तर्क पेश गरेका छन ।