चिनियाँ जासुसी अभियानले लाखौ अमेरिकी मोबाइल फोन ( घुम्तीयन्त्र संचार माध्यम )प्रयोगकर्ताहरूको तथ्याँकहरु चोरी गरेको अमेरिकी अधिकारीहरूले बताएका छन् । चीनले सम्भवतः १० लाख भन्दा बढी ग्राहकहरूको जानकारी चोरेको एबिसीन्यूजले समाचार लेखेको छ ।

अमेरिकी अधिकारीहरूले भर्खरै पत्ता लगाएका छन् । अधिकारीहरुका अनुसार चिनियाँ ह्याकिङ(अनधिकृत प्रवेशक) र जासुसी अभियानले लाखौं अमेरिकी मोबाइल फोन (घुम्तीयन्त्र संचार माध्यम उपकरण) प्रयोगकर्ताहरूको डाटा ( तथ्यांक )चोरेको शंका गरेको छ।

अनुसन्धानसँग परिचित स्रोतहरूले एबीसी न्यूजलाई अमेरिकी अधिकारीहरूले राष्ट्रका शीर्ष दूरसञ्चार कम्पनी(प्रतिष्ठान)हरूको सञ्चार सञ्जालमा भएका कमजोरीहरूको शोषण गर्दै चीनले गरेको प्रमुख गुप्तचर सङ्कलन कारवाहीको व्यापक दायराको विस्तृत जानकारी दिए।

मंगलबारको एक पत्रकार सम्मेलनमा एफबीआई र होमल्याण्ड सेक्युरिटी(सुरक्षा)का साइबर अधिकारीहरूले चिनियाँहरूले “ठूलो मात्रामा तथ्यांक ” चोर्न सक्षम भएको बताए । चीनले लाखौ घुम्ती यन्त्र प्रयोगकर्ताहरू को सँग कुरा गरिरहेका थिए भनेर चीनले पहिलो पटक आधिकारिक रूपमा स्वीकार गरेको छ । साथै उनीहरूले कहिले बोलेका थिए र उनीहरू कहाँबाट सञ्चार गरिरहेका थिए ।

चीनले सुरुमा डिसी महानगर क्षेत्रमा घुम्तीयन्त्र प्रयोगकर्ताहरूको ठूलो संख्यामा ध्यान केन्द्रित गरेको देखिन्छ। एबीसी न्यूजलाई जानकारी दिने व्यक्तिहरूले संख्या (नम्बर)हरू प्रदान गर्न अस्वीकार गरेको जनाएको छ ।

यसअघि निर्वाचित राष्ट्रपति डोनाल्ड ट्रम्प, उप-राष्ट्रपति-निर्वाचित जेडी भान्स, सिनेटर बहुमतका नेता चक शूमरका केही कर्मचारी, ट्रम्पका प्रतिरक्षा वकिलहरू मध्ये एक, टोड ब्लान्चे र दुवै राजनीतिक अभियानका नेताहरूलाई लक्षित गरेको समाचार एबिसीन्युजले समाचार लेखेको थियो।

मंगलबारको अधिकारीहरूले चिनियाँ अनधिकृत प्रवेशक (ह्याकर)हरू यी दूरसञ्चार संजाल (नेटवर्क)हरूबाट पूर्ण रूपमा बाहिर निकालिएका बताए ।