आइतबार बिहान एक भाषणमा, इरानी सर्वोच्च नेता आयातुल्ला अली खामेनीले इरानका धेरै क्षेत्रमा इजरायलको आक्रमणको बारेमा पहिलो पटक टिप्पणी गरे।

तिनीहरू बढाईचढाई गरिरहेका छन्,” खामेनीले लामो समयदेखि प्रतिक्षा गरिएको हमलाको नतिजाको बारेमा भने । जुन तेहरानको अक्टोबर १ मा इजरायलमा प्राक्षेपिक क्षेप्यास्त्र (ब्यालेस्टिक मिसाइल) आक्रमणको बदला थियो।

“उनीहरूलाई बढाइचढाइ गर्नु गलत हो तर तिनीहरूलाई घटाउनु पनि गलत हो,” खामेनीले भने। इरानी नेताले इजरायलले तेहरानसँगको झगडामा गलत गणना गरेको बताएका छन्।

“उनीहरूले इरानलाई चिन्दैनन्, उनीहरूले इरानका युवाहरूलाई चिन्दैनन्, उनीहरूले इरानी राष्ट्रलाई चिन्दैनन् र उनीहरूले अझै पनि इरानी राष्ट्रको शक्ति, क्षमता, पहल र इच्छालाई राम्ररी बुझ्न सकेका छैनन्,” उनले भने। “हामीले उनीहरूलाई यी सबै बुझाउनु पर्छ,” खामेनीले थपे।