अमेरिकाको क्यालिफोर्निया राज्यका एक व्यक्तिलाई लागूऔषध सेवन सहित ९ जना महिलालाई यौन दुर्व्यवहार तथा एक महिलाको हत्या गरेको अभियोगमा पक्राउ गरिएको छ ।

उक्त पुरुषलाई लागूऔषध सेवन गरेर मृत्यु भएको एक महिला सहित नौ जना महिलालाई लागूऔषध सेवन र यौन दुर्व्यवहार गरेको अभियोग लगाइएको अभियोजकहरूले गत शुक्रबार बताए ।

५० बर्षिय माइकल डिजर्जियोलाई हत्या, लागूऔषध प्रयोग गरेर बलात्कार र एक नियन्त्रित पदार्थ प्रस्तुत सहित धेरै आरोपहरू सामना गरि रहेको सिएनएनले जनाएको छ ।

अदालतको अभिलेख अनुसार उनलाई लस एन्जलस काउन्टी जन संरक्षकको कार्यालयले प्रतिनिधित्व गरिरहेको छ । डिजर्जियोमाथि मे २०१९ देखि नोभेम्बर २०२१ को बीचमा हर्मोसा बीच ( समुद्रतट)र रेडोन्डो बीच(समुद्रतट)मा रहेको आफ्नो घरमा महिलाहरूलाई लागूऔषध सेवन र यौन दुर्व्यवहार गरेको आरोप लगाइएको छ ।

अधिकारीहरूले मृत्यु भएकी महिलाको नाम तोकेका छैनन् । ती महिलाको मृत्यु कहिले भयो भन्ने बारे जानकारी दिएका छैनन् । डिजर्जियोले आरोप अनुसार दोषी ठहरिएमा अधिकतम आजीवन कारावासको सजाय भोग्नु पर्ने डीएको कार्यालयले बिज्ञप्तिमा जनाएको छ ।

उनी यस हप्ता रेडोन्डो समुन्द्रतट (बीच)मा पक्राउ परेका थिए । उनलाई जमानत बिना नै हिरासतमा राखिएको छ। उनी शुक्रबार उपस्थित हुने र निवेदन दर्ता गर्ने कार्यक्रम थियो, तर त्यो सुनुवाई नोभेम्बर ६ सम्म जारी राखिएको छ ।

डिजर्जियोलाई पहिले २०२० मा एक जनालाई “बेहोश वा सुतिरहेको” अवस्थामा बलात्कारको आरोप लगाइएको थियो ।