राष्ट्रपति जो बाइडेनले समुन्द्री आँधी मिल्टनको क्षतिग्रस्त भएको फ्लोरिडा राज्यको भ्रमण गरेका छन् । उनले फ्लोरिडाका परियोजनाहरूमा ६१२ मिलियन डलर दिने घोषणा गरेको एबिसीन्यूजले जनाएको छ ।

राष्ट्रपति बाइडेनले फ्लोरिडा राज्यमा आएको समुन्द्री आंधी हेलिन र मिल्टनले पारेको क्षतिग्रस्त क्षेत्रको भ्रमण गरे । राष्ट्रपति बाइडेनले आइतवार फ्लोरिडाका क्षेत्रहरूको भ्रमण गरे । आँधीले व्यापक क्षतिग्रस्त बनाउनुको साथै विद्युत आपूर्तिको लागि खम्बा र तारका गुच्छा सुदृढ पार्न परियोजनाहरूको लागि संघीय कोष र राज्यलाई पुनर्निर्माण गर्न सरकारको पूर्ण सहयोग हुने घोषणा गरे।

हामी बारम्बार सम्पर्कमा छौं, यी यस्ता क्षणहरूमा हुन् हामी एक अर्काको हेरचाह गर्न सँगै आउँछौं । हामी यहाँ डेमोक्र्याट वा रिपब्लिकनको रूपमा होइन एक अमेरिकीको रूपमा हौ ,बाइडेनले सेन्ट पिटर्सबर्गमा भने।

बाइडेनले दक्षिणपूर्वमा छ ऊर्जा विभागका परियोजनाहरूका लागि ६१२ मिलियनको घोषणा पनि गरे। दुई परियोजनाहरू फ्लोरिडामा केन्द्रित छन् ।

“यस कोषले बिजुली पुनर्स्थापना मात्र गर्दैन, तर यस क्षेत्रको उर्जा प्रणालीलाई बलियो र अधिक सक्षम बनाउनेछ र चरम मौसमी घटनाहरू बारम्बार हुने बिजुली बन्द र अवधि घटाउनेछ,” बाइडेनले भने।

उत्तर मध्य फ्लोरिडामा बढ्दो चरम मौसमको प्रभावलाई कम गर्न मद्दत गर्न यो कोष प्रयोग गर्नेछ ,ह्वाइट हाउसले एक विज्ञप्तिमा जनाएको छ ।

समुन्द्री आँधी मिल्टनले गत बुधबार साँझ फ्लोरिडामा वर्ग ३ को आँधी ल्याएको थियो । आँधीबाट कम्तिमा १६ जना व्यक्तिको मृत्यु भएको छ । अझै पनि १० लाख भन्दा बढी मानिसहरु बिजुलीविहीन छन्।

आइतवार बाइडेनले स्थानीय अधिकारीहरूलाई उनीहरूको समर्पण र योगदानको लागि धन्यवाद दिए ।