टेस्लाको बहुप्रतिक्षित रोबोट्याक्सी अर्थात् स्वचालित भाडाको सवारी सेवा आइतबारदेखि टेक्सस राज्यको अस्टिनमा सुरु हुने भएको छ । वर्षौंदेखि सेल्फ-ड्राइभिङ ((स्वचालित गाडी)हरूको नयाँ निर्माण र आउने चर्चा गरेपछिअर्बपति इलन मस्कले अन्ततः टेस्लाको रोबोट्याक्सी अर्थात् स्वचालित भाडाको सवारी सेवाको सुरुवात गर्दै आफ्नो वाचा पूरा गर्दैछन्।

आगामी आइतबार, जुन २२ मा, टेस्लाले अस्टिन, टेक्ससमा आफ्ना नमुना वाई Y स्वचालित सवारी साधन (रोबोट्याक्सी)हरूमा केही निश्चित व्यक्तिहरूलाई यात्रा गर्ने मौका दिनेछ, जहाँ प्रतिष्ठानले २०२१ मा आफ्नो मुख्यालय क्यालिफोर्नियाबाट सारेको थियो।

प्रतिष्ठानले यस प्रक्षेपणबारे थप जानकारी दिएको छैन, तर सामाजिक सञ्जालमा साझा गरिएका विवरणहरू र मस्कका विगतका टिप्पणीहरूले केही संकेत दिएका छन्।

प्रारम्भिक परीक्षणमा थोरै संख्यामा गाडीहरू र निश्चित “भू-घेराभित्र” यात्रा समावेश हुने सम्भावना छ। मस्कले जनवरीमा नै यो सेवा “जुनमा अस्टिनमा चालकविहीन रूपमा” सञ्चालनमा आउने बताएका थिए।

टेक्ससका केही डेमोक्र्याटिक सांसदहरूले नयाँ कानुन लागू नभएसम्म यो प्रक्षेपण सेप्टेम्बर १ सम्मका लागि स्थगित गर्न टेस्लालाई अनुरोध गर्दै पत्रमा हस्ताक्षर गरेका छन्।

यदि सफल भएमा रोबोट्याक्सी सेवाको सुरुवातले टेस्लाको आम्दानी बढाउन मद्दत गर्नेछ । इभ्सका अनुसार रोबोट्याक्सी सेवाले २०२६ को अन्त्यसम्ममा टेस्लाको बजार पुँजी २ खर्ब डलर पुर्‍याउन सक्छ।