उपराष्ट्रपति कमला ह्यारिसले आफ्नो स्वास्थ्य विवरण सार्वजनिक गरेकी छिन् । तर पूर्व राष्ट्रपति डोनाल्ड ट्रम्पको आफ्नो स्वास्थ्य विवरण सार्वजनिक गर्ने भनेता पनि अझै जारी गरेका छैनन् । सम्भवत जारी गर्ने गर्ने कम अपेक्षा गरिएको छ ।

ह्यारिस र ट्रम्प दुबै चुनावको दिन भन्दा तीन हप्ता अघि यस सप्ताहन्तमा पश्चिमका युद्धभूमि राज्यहरूमा केन्द्रित छन्। दुवै जना १ मिनेटको पनि समयखेर नफाली दुवै उम्मेदवारहरु चुनावमा केन्द्रित छन् । जताततै पुगेका छन् र यो क्रम जारी रहेको छ ।

उपराष्ट्रपति कमला ह्यारिसले गत शनिबार (नेपालीहरुको महान चाड दशैँ )कै दिन आफ्नो स्वास्थ्य र चिकित्सा इतिहासको बारेमा विवरण सहितको एक प्रतिवेदन जारी गरिन ।

ह्यारिस “उत्कृष्ट स्वास्थ्य अवस्थामा छिन् ,” उनका चिकित्सक जोशुआ सिमन्सले शनिबार एक पत्रमा भने। “उनीसँग राष्ट्रपतिको कर्तव्यहरू सफलतापूर्वक कार्यान्वयन गर्न आवश्यक शारीरिक र मानसिक लचकता रहेको छ “

चिकित्सकले मौसमी एलर्जी (प्रत्यूर्जता)लाई उनको पहिले देखि नै भएको जनाएका छन् । साथै चिकित्सकले उनले उनको लक्षणहरू सुधार गर्न प्रयोग गरिएका धेरै औषधिहरू पनि सूचीबद्ध गरेका छन् । उनले यी औषधिहरु कहिले गम्भीर नभएको समेत जनाएका छन् ।

चिकित्सक सिमन्सले गत अप्रिल २०२४ मा ह्यारिसको सबैभन्दा भर्खरको शारीरिक परीक्षाको विवरण सार्वजनिक गरेका छन् । उनले नतिजाहरू “अकल्पनीय” भएको बताए। उनको भिटामिन डी स्तर कम भएको समेत उल्लेख गरेका छन् ।

उपराष्ट्रपतिको कोलोन क्यान्सर(मलाशय अर्बुद रोग) को पारिवारिक इतिहास समेत रहेको जनाएका छन् । ह्यारिसले नर्थ क्यारोलाइनमा टार्माकमा पत्रकारहरूसँगको अन्तर्वार्तामा ट्रम्पको आलोचना गरिन । र ,उनले अहिलेसम्म स्वास्थ्य परीक्षण जारी गर्न नसकेको बताइन ।

ट्रम्पले २०१६ मा आफ्नो पहिलो चुनावी अभियानमा आफ्नो स्वास्थ्य परीक्षणका विवरण समेत जारी गर्न अस्वीकार गरेका थिए । अहिले २०२४ को चुनावी यस दौडमा आफ्नो चिकित्सा विवरणहरू जारी गर्ने धेरै पटक वाचा गरे तापनि, उनले अहिलेसम्म सार्वजनिक गरेका छैनन् ।