स्वामी आत्मानन्द गिरी गुरु मेरिल्याण्डको हिन्दु बुद्ध मन्दिरमा आउनु हुने भएको छ ।

पूर्वीय षड्दर्शनका ज्ञाता त्यसमा पनि वेदान्त दर्शनका मर्मज्ञ श्रद्धेय गुरु केही समयका लागि अमेरिका भ्रमणमा आउनु हुने भएकोले बाल्टिमोरमा समेत भ्रमण रहेकोले यस क्षेत्रमा बसोबास गर्नु हुने सबैलाई सहभागिताको लागि आह्वान गरिएको छ ।

गुरु सेप्टेम्बर १७ देखि अक्टोबर २६ देखि सम्म अमेरिकाका विभिन्न राज्यहरुमा रहनु हुनेछ । विगतमा पनि धेरै पटक आफ्ना शिष्यहरुको निमन्त्रणामा अमेरिका आउनु भएको भएता पनि यस पटक छोटो समय मात्र यहाँ रहने कार्यक्रम रहेको छ ।

यसै क्रममा सेप्टेम्बर २३ देखि २८ सम्म बाल्टिमोरमा रहनु हुने छ। कार्यक्रम तय गरिएकोले श्रद्धेय गुरुसँग साक्षात्कार गरी दर्शन गर्न चाहनुहुने अमृतमय वेदान्त परक वाणी सुन्न चाहनुहुने भक्तजन शिष्यगणहरुलाई हिन्दु बुद्ध मन्दिर बाल्टिमोरले सबैलाई यसैबाट निमन्त्रणा गरेको छ । हिन्दु बुद्ध मन्दिरमा सेप्टेम्बर २८ तारिखको दिन विशेष सत्सङ्गको कार्यक्रम समेत आयोजना गरिने छ ।

बाल्टिमोरमा रहँदा हुने कार्यक्रमहरु हिन्दु बुद्ध मन्दिरका गुरु (महाराज जी का शिष्य ) कृष्णहरि घिमिरेले मिलाउनु हुने भएकाले वहाँलाई सम्पर्क गर्न सक्नुहुनेछ ।

सम्पर्क -410698508 तथा WhatsApp- मा पनि सोही अनक रहेको छ ।