इटालीको सिसिलीको तटमा डुबेको डुंगाबाट कूल ७ वटा शवहरु फेला परेको छ भने इटालीले हत्याको अनुसन्धान गर्ने भएको छ ।

इटालीका अधिकारीहरूले यस हप्ताको सुरुमा सिसिलीको तटमा बेलायती सहित अन्य छ जनाको ज्यान गए पछि हत्याको अनुसन्धान खोलेका छन्।

अनुसन्धानको घोषणा गर्दै अभियोजक एम्ब्रोगियो कार्टोसियोले यो समय जहाज डुब्ने मौसम होइन, तर चालक दलको व्यवहार र डुङ्गा प्रवन्ध गर्ने तरिकाको परिणाम भएको बताए ।

उनले अनुसन्धान कसैलाई लक्षित नगरेको बताए । “यो केवल कप्तान हुन सक्छ। यो सम्पूर्ण चालक दल हुन सक्छ। यो सुरक्षाकर्मी हुन सक्छ। हामी सबै कारकहरूको मूल्याङ्कन गर्दैछौं” कार्टोसियोले भने।

अभियोजकको कार्यालयले अज्ञात व्यक्तिहरू विरुद्ध लापरवाही जहाज दुर्घटना र हत्याको अपराधको आरोपमा एक कागजात दायर गरेको छ ।

२२ जना यात्रु र चालक दलका सदस्यहरू सहितको बेलायती झण्डा बोकेको जहाज गत सोमबार डुबेको थियो। गत चार दिनमा सातवटा शवहरू फेला परेका छन् ।

गोताखोरहरूले तिनीहरूलाई पुनःप्राप्त गर्न लगभग ५० मिटर (१६० फिट) पानीमुनि काम गरेको सिएनएनले जनाएको छ ।