युक्रेनले रुसको तेल भण्डारमा आक्रमण गरेको जनाएको छ । एबिसीन्यूजका अनुसार दक्षिणी रूसमा रहेको तेल भण्डारले युक्रेनमा आक्रमण गर्ने रूसी सेनालाई आपूर्ति गर्दछ।

युक्रेनले आइतवार दक्षिणी रूसमा क्रेमलिनको सेनालाई आपूर्ति गर्ने तेल भण्डार (डिपो)मा आक्रमण गरेको छ। त्यस्तै रुसले युक्रेनको पूर्वी डोनेट्स्क क्षेत्रमा आक्रमण गर्दा पाँच नागरिकको मृत्यु भएको छ र अन्य १५ जना घाइते भएका छन्।

युक्रेनका सेना प्रमुखले एक विज्ञप्तिमा रुसको दक्षिणी कुर्स्क क्षेत्रमा रुसी सेनाको आवश्यकता पूरा गर्न प्रयोग हुने तेल भण्डारमा भएको मानव रहित आक्रमणको लागि जिम्मेवार लिएको जनाएको छ । त्यसमा ७,००० घनमिटरको कुल मात्रा भएको ११ वटा तेल भर्ने ट्याङ्क(जलाशय )हरू रहेको बताए।

“रक्षा बलहरूले रूसी कब्जाकर्ताहरूको सैन्य र आर्थिक क्षमतालाई कमजोर पार्न र रूसी संघलाई युक्रेन विरुद्धको सशस्त्र आक्रमण रोक्नको लागि सबै उपायहरू जारी राख्छन्,” विज्ञप्तिमा भनिएको छ।

यसअघि आइतवार रुसको रक्षा मन्त्रालयले सात वटा युक्रेनी मानवरहित यान (ड्रोन)हरू रातभर रुसी भूभागमा खसालेको दाबी गरेको छ । एक क्षेत्रीय अधिकारीलेआक्रमणले कुर्स्क प्रान्तको तेल भण्डारमा आगो लागेको बताए ।

कार्यवाहक क्षेत्रीय गभर्नर एलेक्सी स्मिर्नोभका अनुसार आइतबार बिहान तीनवटा इन्धन ट्याङ्की(जलाशय )मा आगो लागेपछि अग्निनियन्त्रकहरूले आगो निभाउन संघर्ष गरेको बताए। उनले कसैलाई पनि चोट नपुगेको बताए ।