फ्रान्सको वामपन्थी गठबन्धन आश्चर्यजनक परिणाममा संसदमा सबैभन्दा ठूलो गुट हुने अनुमान गरिएको छ ।

फ्रान्सेली राष्ट्रपति इमानुएल म्याक्रोनले चुनावी नतिजालाई सम्मान गर्ने वाचा गरेका छन् । वामपन्थी गठबन्धन न्यू पपुलर फ्रन्ट फ्रान्सेली संसदीय चुनावमा मरीन ले पेन पार्टी(दल) को भन्दा अगाडि हुने अपेक्षा गरिएको छ।

दोस्रो चरणको आश्चर्यजनक नतिजामा वामपन्थी न्यू पपुलर फ्रन्ट फ्रान्सको संसदीय चुनावमा मरीन ले पेनलाई पछि पार्ने अनुमान गरिएको छ। पाँच दल मिलेर बनेको नयाँ पपुलर फ्रन्टले १७२ देखि १९२ सिट जित्ने प्रक्षेपण गरिएको छ । पूर्ण बहुमत प्राप्त गर्न कम्तीमा २८९ सिट चाहिन्छ।

राष्ट्रपति इमानुएल म्याक्रोनको दल एन्सेम्बल १५० देखि १७० सिटको साथ दोस्रो ठूलो दल हुने अनुमान गरिएको छ। जुन अपेक्षाहरू भन्दा बढी स्थान जित्ने अपेक्षा गरिएको छ ।

मरीन ले पेनले १३२ देखि १५२ सिटको बीचमा तेस्रो स्थानमा अनुमान गरिएको छ । सन् २०२२ मा जितेका ८९ सिटहरूबाट उल्लेखनीय वृद्धि भएको छ। फ्रान्सेली राष्ट्रपति इमानुएल म्याक्रोनले आज राति चुनावको नतिजा पछि सम्बोधन नगर्ने सीएनएनले आफ्नो समाचारमा लेखेको छ ।

म्याक्रोनको दलले चुनावको पहिलो चरणमा निराशाजनक प्रदर्शन गरेको थियो । वामपन्थी न्यू पपुलर फ्रन्ट (एनएफपी) ले अति दक्षिणपन्थी राष्ट्रिय र्‍याली (आरएन) दललाई हराउने प्रक्षेपण गरिएको घोषणा गरेपछि पेरिसको सडकमा हजारौ मानिसहरू हर्षोल्लासका साथ उत्रिएका छन् ।

पहिलो चरणको निर्वाचनपछि आरएनले अग्रता लिएपछि नतिजा आश्चर्यमा परेको थियो । प्रधानमन्त्री गेब्रियल एटलले राष्ट्रपति इमानुएल म्याक्रोन समक्ष राजीनामा दिने बताएका छन् ।