अमेरिकाको मेरिल्याण्ड राज्यको बाल्टिमोरमा पुलमा ठक्कर दिए पछि पुल भत्कदा करिब ८ हजार रोजगारी गुमेको एबिसीन्यूजले जनाएको छ ।

बाल्टिमोर बन्दरगाह बन्द हुँदा करिब ८ हजार रोजगारी गुमेको छ ।

बाल्टीमोरको की ब्रिज एक महत्त्वपूर्ण पारवहन र ढुवानी मार्गलाई गत महिना सामान बोकेको जहाज ठोक्किएपछि भत्किएको थियो। समुदाय सदस्यहरूलाई आफ्नो रोजगार गुमेकोले उनीहरु भविष्य देखि त्रसित रहेका छन् ।

पुल भत्किए पछि, बाल्टिमोरको बन्दरगाहले सञ्चालन निलम्बित गर्यो, परिणामस्वरूप ८,००० को जागिर गुमेको छ । धेरै हप्ताको देखि भुक्तान गरिएको छैन र पोतभार (कार्गो )जहाजहरू पुन: सञ्चालनको लागि पर्खिरहेका छन्।

भग्नावशेष हटाउन र बाल्टिमोरको बन्दरगाह पुनर्स्थापना गर्न चालक दलहरू अथक प्रयास गरिरहेका छन् । बाल्टीमोरको बन्दरगाह व्यापारिक मात्राको आधारमा संयुक्त राज्य अमेरिकाको नवौं ठूलो बन्दरगाह हो। गत वर्ष बन्दरगाहले करिब ८० अर्ब डलर बराबरको ५२.३ टन विदेशी सामान (कार्गो )ओसारपसार गरेको थियो ।

मेरील्याण्डका गभर्नर वेस मूरले गत महिना बाल्टिमोर बन्दरगाह अमेरिका भरि निर्माण यन्त्र,आयातित चिनी तथा अन्य सामग्रीहरु आयातित गर्ने उच्च प्रदर्शन गर्ने बन्दरगाह भएको बताएका थिए ।