गाजामा जर्मनीलाई “नरसंहारमा सहयोग पुर्‍याएको” आरोप लगाउने मुद्दा संयुक्त राष्ट्रको सर्वोच्च अदालतमा चलिरहेको सिएनएनले जनाएको छ ।

अन्तर्राष्ट्रिय अदालत (आईसीजे) ले गाजामा जर्मनीलाई “नरसंहारमा सहयोग पुर्‍याएको” आरोप लगाउने मुद्दाको सुनुवाइ सुरु गरेको छ।

निकारागुआले जर्मनीलाई इजरायललाई निरन्तर समर्थन र गाजामा युद्धको माध्यमबाट नरसंहार महासन्धिको हस्ताक्षरकर्ताको रूपमा आफ्नो दायित्व उल्लङ्घन गरेको आरोप लगाएपछि सोमबार बिहान नेदरल्याण्ड हेगमा दुई दिने कार्यवाही सुरु भएको छ । नेदरल्यान्ड्सका लागि निकारागुआका राजदूत कार्लोस जोसे अर्गुएलो गोमेजले संयुक्त राष्ट्रसंघको सर्वोच्च अदालतलाई आफ्नो सरकारले “प्यालेस्टिनी जनताको तर्फबाट” मुद्दा लिएको बताए जो “आधुनिक इतिहासको सबैभन्दा विनाशकारी सैन्य कारबाहीमा परेका छन्।”

निकारागुआ प्यालेस्टिनीहरुको लामो समयदेखि समर्थक भएको छ। जर्मनी बर्लिनले अन्तर्राष्ट्रिय मानवीय कानुनको उल्लंघन गरेको निकारागुआको आरोपलाई कडाइका साथ अस्वीकार गरेको छ। जर्मन प्रतिनिधिमण्डलले मंगलबार अदालतमा आफ्नो तर्क प्रस्तुत गर्नेछ।

सिएनएनका अनुसार इजरायल यस मुद्दाको पक्ष होइन र आगामी दुई दिनमा आईसीजे(अन्तरराष्ट्रिय अदालत) मा उपस्थित हुने छैन।