इजरायली सेनाले हेजबुल्लाह सेनापति (कमाण्डर)लाई रातभरिको हमलामा मारिएको बताएको छ ।

इजरायल रक्षा बल (आईडीएफ) ले सोमबार दक्षिणी लेबनानमा रातभरिको हमलामा हेजबुल्लाहको विशेष कारवाही इकाईका सेनापति अली अहमद हुसेन तथा समूहका दुई लडाकुहरू मारिएको बताएको छ।

इरान समर्थित इस्लामी अभियानले एक विज्ञप्तिमा हुसेनलाई आइडिएफ आक्रमणबाट मारिएको पुष्टि गरेको छ।

आईडिएफका अनुसार हुसेनले अक्टोबर ७ मा हमास र गाजामा आधारित अन्य लडाकु समूहहरूद्वारा इजरायल र यसका नागरिकहरू विरुद्ध धेरै प्रक्षेपास्त्र प्रक्षेपण र आतंककारी आक्रमणहरू आयोजना गर्न जिम्मेवार थिए।

लेबनानको सरकारी स्वामित्वको राष्ट्रिय समाचार सँस्था (एनएनए) का अनुसार आक्रमण ले लक्षित सम्पत्तिको छेउमा रहेका भवनहरूमा व्यापक क्षति पुर्याएको छ। १० भन्दा बढी परिवारले आफ्नो घर गुमाएका समेत बताईएको छ ।