इजरायल गाजा युद्धविराम सम्बन्धी अमेरिकाले नयाँ प्रस्ताव मस्यौदा तयार गरेको सिएनएनले जनाएको छ ।

संयुक्त राज्य अमेरिकाले संयुक्त राष्ट्र सुरक्षा परिषदमा राख्नको लागि नयाँ प्रस्तावको मस्यौदा तयार गरेको छ । दक्षिणी गाजाको रफाहमा कुनै पनि इजरायली भू-आक्रमणको बारेमा चिन्ता व्यक्तको साथै प्रारम्भिक युद्धविराम कम्तिमा ६ हप्ताको सहमत भएमा दिगो युद्धविरामको जग बसाल्नु पर्ने जनाएको छ ।

सिएनएनले प्राप्त गरेको मस्यौदा प्रस्तावमा “बन्धकहरूलाई रिहा गर्ने, मानवीय सहायताको प्रावधान र वितरण बढाउने र गाजाका नागरिकहरूको पीडा कम गर्ने उद्देश्यले इजिप्ट र कतारले बन्धकहरूको रिहाइको लागि एक सम्झौता मार्फत कूटनीतिक प्रयासहरू तीव्र पारेको” उल्लेख गरेको छ।

साथै प्रस्तावमा सुरक्षा परिषदले बन्धकहरूलाई रिहा गर्ने सम्झौताको एक भागको रूपमा तत्काल र दिगो युद्धविराम स्थापना गर्न अन्तर्राष्ट्रिय कूटनीतिक प्रयासहरूलाई स्पष्ट रूपमा समर्थन गर्नेछ र यसले मानवीय पीडालाई कम गर्न थप दिगो शान्तिको आधारलाई अनुमति दिन्छ भनि उल्लेख गरेको छ ।

अमेरिकाले राखेको मस्यौदा प्रस्तावमा रफाहमा इजरायली भूमिगत आक्रमणले नागरिकहरूलाई थप हानि पुर्‍याउँछ र सम्भावित छिमेकी देशहरू लगायत थप विस्थापनमा पर्नेछ, र यसले क्षेत्रीय शान्ति र क्षेत्रीय शान्तिमा गम्भीर प्रभाव पार्ने छ भन्ने चिन्तालाई जोड दिएको जनाएको छ ।