इजरायली विदेशमन्त्रीले यौन अपराध प्रतिवेदनमा बन्धक बनाइएका आफन्तहरूलाई संयुक्त राष्ट्र संघमा भेला गराउने भएका छन् ।

इजरायलका विदेशमन्त्री इजरायल काट्जले गाजामा बन्धक बनाइएका परिवारका सदस्यहरू सम्मिलित एक विशेष प्रतिनिधिमण्डलको नेतृत्व गर्दै हमासले गरेको यौन अपराधबारे संयुक्त राष्ट्रसंघको प्रतिवेदनका निष्कर्षहरूबारे सोमबार संयुक्त राष्ट्र सुरक्षा परिषदमा छलफल गर्न न्यूयोर्क जाने भएको एक विज्ञप्तिमा जनाईएको छ ।

विदेशमन्त्री काट्जले हमासद्वारा बन्धक बनाएका दर्जनौं परिवारका सदस्यहरूलाई साथमा लैजाने भएका छन् । साथै उनि सुरक्षा परिषद्को छलफलमा भाग लिने र यौन हिंसाका लागि संयुक्त राष्ट्रका विशेष प्रतिनिधि प्रमिला पट्टनसँग भेट गर्ने भएका छन् ।

विज्ञप्तिका अनुसार काट्जले आइतबार प्रधानमन्त्री बेन्जामिन नेतान्याहुसँग यात्रा हुनु अगाडि कुरा गरे । उनले “हमासलाई आतंकवादी संगठनको रूपमा संयुक्त राष्ट्र संघले आधिकारिक घोषणा गर्न र हमासका नेताहरूमाथि व्यक्तिगत प्रतिबन्ध लगाउने कार्यलाई अगाडि बढाउनको लागि चाल्नुपर्ने कदमबारे छलफल गरे ।,”

नेतान्याहुले प्रतिनिधिमण्डलका सदस्यहरूलाई आफ्ना बन्धकहरूलाई मुक्त गर्ने ,इजरायलको स्थिति र न्यायको लागि लड्ने राष्ट्रिय प्रयासमा सफलताको कामना गरे।

“बन्धकहरूका परिवारहरू संयुक्त राष्ट्र संघका महासचिव र सम्पूर्ण विश्वलाई सम्झाउन मेरो साथमा उभिनेछन् र संयुक्त राष्ट्रले हमासलाई आतंकवादी संगठन घोषणा नगरेसम्म हामी रोकिने छैनौं,” काट्जले भने।

संयुक्त राष्ट्र संघको टोलीले गत हप्ता एउटा प्रतिवेदन जारी गरेको छ । उक्त प्रतिवेदन अनुसार गाजामा बन्धकहरूलाई यौन दुर्व्यवहार गरिएको थियो । यौन हिंसा जारी छ भन्ने विश्वास गर्ने “उचित आधारहरू” रहेको “स्पष्ट र विश्वस्त” जानकारी फेला पारेको थियो।

हमासले प्रमाणको बाबजुद आक्रमणका क्रममा आफ्ना लडाकुहरूले यौन हिंसा गरेको आरोपलाई बारम्बार अस्वीकार गर्दै आएको छ।