अमेरिकी उपराष्ट्रपति कमला ह्यारिसले आइतवार गाजामा थप मानवीय सहायताको लागि बलपूर्वक आह्वान गरिन । मानिसहरू “अमानवीय” अवस्थाको सामना गर्दै “भोकै मरिरहेका” भन्दै इजरायललाई कडा आग्रह गरिन ।

उनको आइतवारको टिप्पणीले गाजाको अवस्थालाई सम्बोधन गर्न अमेरिकाको दबाबमा वृद्धि भएको संकेत गरेको सिएनएनले समाचार लेखेको छ ।

“इजरायली सरकारले सहायताको प्रवाहलाई उल्लेखनीय रूपमा वृद्धि गर्न थप गर्नुपर्दछ।,” ह्यारिसले भनिन ।

सोमबार, उपराष्ट्रपतिले इजरायली युद्ध मन्त्रिपरिषद्का एक प्रमुख सदस्य, बेनी गान्ट्जसँग वाशिंगटनमा भेट्ने अपेक्षा गरिएको छ । यता अमेरिकाले अस्थायी युद्धविराम र बन्धक रिहाइको वकालत गर्ने क्रम जारी राखेको छ।

“गाजामा हामीले हरेक दिन जे देखिरहेका छौं त्यो विनाशकारी छ। त्यहाँ मानिसहरुले पात र जनावरका खाना खाई रहेको देखेका छौ । महिलाहरूले थोरै वा कुनै चिकित्सा हेरचाह बिना कुपोषित बच्चाहरूलाई जन्म दिन्छन्, र कुपोषण र पानीको अपुगको कारण बच्चाहरू मरिरहेका छन्,” उनले भनिन ।

“हामीले त्यो भयानक त्रासदीका पीडितहरू अवस्था बुझेका छौ , गाजाका जनता भोकै छन् । अवस्थाहरू अमानवीय छन्। ” ह्यारिसले राष्ट्रपति जो बाइडेनले छ हप्ताको युद्धविरामको लागि गरेको आह्वानलाई पनि पस्मरण गराईन ।