अमेरिकाको पेन्सेलभेनिया राज्यको बिश्व चर्चित शहर फिलाडेल्फियामा पुरुष र महिला दुबैको टाउकोमा गोली हानी हत्या गरिएको एबिसीन्यूजले जनाएको छ ।

एबिसीसमाचारका अनुसार फेयरमाउन्ट पार्कको ऐतिहासिक माउन्ट प्लेजन्ट भवन नजिक शव फेला परेको थियो। फिलाडेल्फियाको एक सडकमा दुई व्यक्ति एकैसाथ सुतेको अवस्थामा दुई व्यक्तिको टाउकोमा गोली हानेर मृत्यु भएपछि दोहोरो हत्याको अनुसन्धान भइरहेको अधिकारीहरूले बताए ।

राति ११ बजेर १२ मिनेटमा ३८ वर्षीया क्रिस्टिना चेम्बर्स र ४९ वर्षीय थर्स्टन कुपर दुवैलाई घटनास्थलमै मृत घोषित गरिएको गत बिहीबार फिलाडेल्फिया प्रहरीले भने।

दुबैको टाउकोमा गोली लागेको थियो तर महिलालाई टाउको र छातीमा गोली लागेको प्रहरीले बताए । कम्तिमा तीनवटा गोली अर्ध-स्वचालित बन्दुकबाट चलाइएको थियो। घटनाको कारण पत्ता लागेको छैन भने अझै पनि कसैलाई पक्राउ गर्न नसकिएको प्रहरीले जनाएको छ।

साथै उक्त घटनाको बारेमा सूचना दिनेलाई ४० हजार डलरको इनाम राखिएको छ ।