अमेरिकामा हिमपात र खतरनाक चिसो जारी रहँदा अमेरिकामा मौसमका कारण ९० भन्दा बढीको मृत्यु भएको छ ।

सिबिएस न्यूजको तथ्याङ्क अनुसार गत हप्ताको जाडो मौसमसँग जोडिएको ९१ वटा पुष्टि भएको मौसम-सम्बन्धित मृत्यु भएको छ । टेनेसी स्वास्थ्य विभागले २५ वटा मौसम-सम्बन्धित मृत्युको पुष्टि गरेको छ। यसै गरि ओरेगनमा कम्तिमा १६ जनाको मृत्यु भएको छ, जसमा तीन जना वयस्कहरू थिए । उनीहरु गाडी (कार )माथि रूख खसेको थियो। सिबीएस न्यूजले सबै भन्दा पहिले उक्त दुर्घटनामा एक बच्चा बाँचेको समाचार लेखेको थियो ।

अमेरिकाको इलिनोइस, पेन्सिल्भेनिया, मिसिसिपी, वाशिंगटन, केन्टकी, विस्कन्सिन, न्यूयोर्क, न्यू जर्सी र थपमा धेरै मृत्यु भएका समाचारहरु प्रकशित भएका थिए । सिबिएस न्यूजका अनुसार कतिपय मृत्युहरू मौसमसँग सम्बन्धित छन् भनी पुष्टि गर्न अनुसन्धानमा छन्। यसमा केन्टकीमा पाँच-तर्फी सवारी साधन दुर्घटनामा मारिएको एक व्यक्ति र इलिनोइसमा भएको दुर्घटनामा चार जनाको मृत्यु भएको थियो ।

केही राज्यहरूले चालकहरुलाई हिमपात र सडकमा हिउको कारण चिप्लने भएकोले सडकहरूमा अतिरिक्त सावधानी अपनाउन चेतावनी दिइएको थियो । मिसिसिपीका अधिकारीहरूले आफ्ना बासिन्दाहरूलाई सडकहरूमा कालो बरफबाट सजग रहन र आवश्यक भएमा मात्र गाडी चलाउन आग्रह गरेका थिए ।

आइतवार दुई थप मौसम सम्बन्धी मृत्यु भएको छ । यो साताको अन्त्यमा अमेरिकामा खतरनाक मौसम जारी रह्यो। करोडौ मानिसहरू कडा चिसोको सामना गरिरहेका छन् । राष्ट्रिय मौसम सेवाका अनुसार आइतबार रातीदेखि सोमबार बिहानसम्म देशको ठूलो भूभागमा गाडी चलाउन खतरनाक हुनेछ। चिसो वर्षाले दक्षिणी मैदानहरू, मध्य-मिसिसिपी उपत्यका र ओहायो उपत्यकाका भागहरूलाई असर गर्ने पूर्वानुमान गरिएको छ।

पेन्सिल्भेनिया, क्यालिफोर्निया, न्यू मेक्सिको र इन्डियानामा अन्य बिजुली बिच्छेद भएको विवरण दिइएको छ ।