सोमालियाको तटमा दुई अमेरिकी नौसेना नाविक बेपत्ता भएका छन् । सोमालियाको तटमा बिहीबार कारवाही सञ्चालन गर्दा दुई अमेरिकी नौसेना नाविक बेपत्ता भएको अमेरिकी केन्द्रीय कमाण्ड(नियोग)ले जनाएको छ।

नाविकहरुको खोजी तथा उद्धार कार्य जारी रहेको केन्द्रीय नियोगले शुक्रबार जारी गरेको विज्ञप्तिमा उल्लेख छ ।

अमेरिकी नौसेनाको पाचौ जहाजी सेना उक्त क्षेत्रमा विभिन्न किसिमका लक्ष्यहरूमा काम गर्दै गर्दा नाविकहरूले के गर्दै थिए भन्ने थप जानकारी नदिएको सिएनएनले उल्लेख गरेको छ ।

विज्ञप्तिमा भनिएको छ, “पीडित परिवारहरूको सम्मानको लागि, हामी यस समयमा थप जानकारी जारी गर्दैनौं।”

अमेरिकाले सोमालियामा सानो सैन्य उपस्थिति कायम राखेको छ भने अमेरिकाले अल-शबाब आतंकवादी समूहको खतरालाई मध्यनजर गर्दै यसमा काम गरि रहेको छ । एक अतिवादी इस्लामी संगठन जसले सोमाली सरकार विरुद्ध आक्रमण गरेको छ। अमेरिकाले अल-शबाबलाई आतंकवादी संगठनको संज्ञा दिएको छ।

सोमाली सेनालाई तालिम दिनुका साथै अमेरिकाले अल-शबाब विरुद्ध आक्रमण गर्न सोमाली सरकारसँग पनि समन्वय गरेको छ।

अमेरिकी अफ्रिका कमाण्डका अनुसार, “अल-शबाब विश्वको सबैभन्दा ठूलो र गतिशील रूपमा सक्रिय अल-कायदा संजाल हो र यसले अमेरिकी सेनामाथि आक्रमण गर्ने र अमेरिकी सुरक्षा हितलाई खतरामा पार्ने आफ्नो इच्छा र क्षमता दुवै प्रमाणित गरेको छ।”