न्यूयोर्क शहरका नगर प्रमुख(मेयर) एरिक एडम्सलेआप्रवासीहरूलाई न्यूयोर्क ल्याउने यात्रीयान सेवा (बस कम्पनी)हरू विरुद्ध मुद्दा चलाउने घोषणा गरेका छन् । उनले ७०८ मिलियन डलरको क्षतिपूर्तिको अपेक्षा गरेका छन् ।

एडम्सले बिहीबार मुद्दाको घोषणा गरेका छन् । एडम्सले शरणार्थीहरूलाई शहरमा पठाउन मद्दत गर्ने १७ वटा यात्रीयान (बस) र यातायात प्रतिष्ठान (कम्पनी) विरुद्ध मुद्दा चलाउने घोषणा गरेका छन् ।

न्यूयोर्क शहरले आप्रवासीहरूको हेरचाह गर्ने लागतहरू प्रवन्ध गर्न मुद्दामा ७०८ मिलियन मिलियन डलर खोजिरहेको एबिसीन्यूजले समाचारमा उल्लेख गरेको छ । “न्यु योर्क शहरले यस मानवीय संकटलाई व्यवस्थापन गर्न हाम्रो भूमिका सधैं गर्नेछ, तर हामी टेक्सस राज्यबाट मात्रै लापरवाह राजनीतिक चालको लागत सहन गर्न सक्दैनौं,” एडम्सले एक विज्ञप्तिमा भने।

“आज, हामी हाम्रो सामाजिक सेवा प्रणालीलाई ओझेलमा पार्ने प्रयासमा लाखौ आप्रवासीहरूलाई न्यूयोर्क शहरमा ढुवानी गर्ने टेक्सस गभर्नर ग्रेग आबोटको योजनामा भाग लिने १७ वटा कम्पनीहरू विरुद्ध कानुनी कारबाही गरिरहेका छौं।

“यी प्रतिष्ठाहरूले यी आप्रवासीहरूको हेरचाहको लागत तिर्न नसकेर राज्यको कानूनको उल्लङ्घन गरेका छन्, र त्यसैले हामी टेक्ससले यहाँ पठाइएका आप्रवासीहरूको हेरचाह गर्न पहिले नै खर्च भएको लगभग ७०० मिलियन डलर फिर्ता गर्न मुद्दा हालिरहेका छौं।”

आबोटले डिसेम्बर २९ मा दिएको जानकारी अनुसार टेक्ससले अगस्त २०२२ देखि “३३,६०० भन्दा बढी” आप्रवासीहरूलाई न्यूयोर्क शहरमा पठाएको बताए।

मुद्धामा क्लासिक एलिगेन्स कोच, एल पासो युनाइटेड चार्टर्स, गार्सिया इन्टरप्राइजेज,लिलीको बस लाइन्स, मेयो टुर्स, रोडरनर चार्टरहरू, साउथवेस्ट क्रू चेन्ज कम्पनी लगायत गरि १७ वटा गाडी सेवालाई मुद्धा चलाईने बताए ।

न्यूयोर्कका गभर्नर क्याथी होचुल पनि मुद्दाको समर्थनमा उभिएकी छिन् ।

एडम्स र होचुलले प्रत्येक पटक शहरमा आउने आप्रवासीहरूको लागतको सामना गर्न संघीय सरकारबाट समर्थनको लागि दबाब दिएका छन्। एडम्सले डिसेम्बरको अन्त्यमा नयाँ कार्यकारी आदेशको घोषणा समेत गरेका छन् ।

“न्यूयोर्क शहरले आप्रवासीहरूको अर्को वृद्धि देख्न थालेको छ, र हामी टेक्ससका गभर्नर आबोटको क्रूर र अमानवीय राजनीतिको परिणाम स्वरूप आगामी दिनहरूमा यो तीव्र हुने अपेक्षा गर्दछौं,” एडम्सले एक विज्ञप्तिमा भने।

एडम्सले कार्यकारी आदेश दिए पछि टेक्ससबाट आप्रवासीहरूलाई न्यू जर्सीमा छोड्न थालेका छन् ।