अमेरिकाले इरान समर्थित विद्रोहीलाई चौथो चरणको जवाफी हवाई हमला गरेको छ । अमेरिकाले क्षेप्यास्त्र आक्रमणको बदला लिनका लागि शृङ्खलाबद्ध आक्रमणहरू सुरु गरेको छ।

पेन्टागनले अमेरिकी सेनालाई फेरि इरान समर्थित लडाकुहरूले निशाना बनाएको बताएको छ।

अमेरिकी रक्षा अधिकारीहरूका अनुसार अमेरिकी लडाकु विमानहरूले बुधबार बिहान इरानसँग सम्बन्धित लडाकूहरूले प्रयोग गर्ने इराकमा दुईवटा स्थलहरूमा आक्रमण गरे।

इरान समर्थित समूहहरूद्वारा इराक र सिरियामा अमेरिकी सेनामाथिको लगभग दैनिक आक्रमणको जवाफमा अमेरिकी प्रतिशोधात्मक हवाई आक्रमणको यो चौथो चरण हो। इजरायलमा हमासको घातक आतंककारी हमलाको १० दिनपछि अक्टोबरको मध्यमा आक्रमणहरू सुरु भएको थियो। पेन्टागनले त्यस पछि पाँच दर्जनभन्दा बढी यस्ता आक्रमणको गणना गरेको छ।

“अक्टोबर १७ देखि अमेरिकी सेनामाथि करिब ६६ पटक हमला भएको छ,” पेन्टागनका उपप्रेस सचिव सबरीना सिंहले मंगलबार राति पत्रकारहरूलाई बताइन्।

बुधवारको आक्रमणहरू आंशिक रूपमा पश्चिमी इराकको अल-असद हवाई अड्डामा अमेरिकी सेनाहरूमा आक्रमण गरेको बदलामा प्रतिक्रिया दिएको हो ।

जसमा आठजना सेवा सदस्यहरू घाइते भएका छन् । अक्टोबरको मध्यदेखि यस क्षेत्रमा अमेरिकीहरू विरुद्ध प्राक्षेपिक क्षेप्यास्त्र (ब्यालेस्टिक मिसाइल)को यो पहिलो प्रयोग हो ।