अमेरिका र दक्षिण कोरियाको सैन्य अभ्यास सकिएपछि उत्तर कोरियाले समुद्रमा पोतबिहार क्षेप्यास्त्र (क्रुज मिसाइल )प्रहार गरेको छ ।उत्तर कोरियाले धेरै पोतबिहार क्षेप्यास्त्र परीक्षण गरेको दक्षिण कोरियाले जनाएको छ ।

उत्तर कोरियाले शनिबार समुद्रमा धेरै पोतबिहार क्षेप्यास्त्र (क्रुज मिसाइल)हरू प्रक्षेपण गरेको दक्षिण कोरियाको सेनाले जनाएको छ । संयुक्त राज्य अमेरिका-दक्षिण कोरिया ग्रीष्मकालीन सैन्य अभ्यासको प्रतिक्रियामा आफ्नो हतियार परीक्षण गतिविधिहरू विस्तार गरेको छ।

दक्षिण कोरियाको सेनाले शनिबार बिहान उत्तरको पश्चिमी तटमा प्रक्षेपण पत्ता लगाएको दक्षिण कोरियाको संयुक्त सेना प्रमुखले एक विज्ञप्तिमा जनाएका छन् ।

विज्ञप्ति अनुसार दक्षिण कोरियाली र अमेरिकी गुप्तचर अधिकारीहरूले प्रक्षेपणको विवरणहरूको विश्लेषण गरिरहेका छन्। दक्षिण कोरियाले आफ्नो निगरानीलाई बढाएको छ भने संयुक्त राज्य अमेरिकासँग नजिकको समन्वयमा दृढ सैन्य तयारी कायम गरेको छ।

उत्तर कोरियाले आक्रमणको पूर्वाभ्यासका रूपमा लिइएको अमेरिका र दक्षिण कोरियाली सेनाले ११ दिने तालिम अभ्यास पूरा गरेको दुई दिनपछि यो प्रक्षेपण भएको हो भनि एबिसीन्यूजले जनाएको छ ।

संयुक्त राज्य अमेरिका-दक्षिण कोरियाको प्रशिक्षण समाप्त हुनु एक दिन अघि उत्तर कोरियाले समुद्रमा दुई छोटो दूरीको प्राक्षेपिक क्षेप्यास्त्र (ब्यालेस्टिक मिसाइल )प्रक्षेपण गरेको थियो

२०२२ को सुरुदेखि उत्तर कोरियाले १०० वटा भन्दा बढी हतियार परीक्षणहरू गरेको छ । तीमध्ये धेरै प्राक्षेपिक प्रक्षेपणहरू जुन संयुक्त राष्ट्र सुरक्षा परिषद्को प्रस्तावहरूद्वारा प्रतिबन्धित छन्।