अमेरिकाको क्यालिफोर्निया राज्यमा एक बालकले घरमा फेला परेको बन्दुकले गल्तीले गोली हान्दा १ वर्षीया बहिनीको निधन भएको सिबिएसन्यूजले जनाएको छ ।

प्रहरीका अनुसार एक ३ वर्षीय बालकले सान डिएगोको घरमा भेटिएको हात्ने बन्दुक (ह्यान्डगन)ले गत सोमबार आफ्नी १ वर्षीया बहिनीलाई गल्तिले गोली हान्दा मृत्यु भएको छ ।

सान डिएगो काउन्टी शेरिफको विभागले जुलाई १७ का दिन मा बिहान ७:३० बजे फलब्रुकको एक घरमा गोली चले पछि प्रहरीलाई बोलाईएको अधिकारीहरूले एक समाचार विज्ञप्तिमा उल्लेख गरेका छन् ।

सहायक प्रहरीहरु त्यहाँ पुग्दा एक ३ वर्षीयाले बालकले असुरक्षित बन्दुक फेला परेको पुष्टि गरे। गल्तीले उनीहरूको १ वर्षीया बहिनीको टाउकोमा चोट लागेको थियो र उनलाई स्थानीय अस्पतालमा लगिएको थियो।

उनको प्राण बचाउने प्रयासको बाबजुद, उनलाई बिहान ८:३० बजे मृत घोषित गरिएको शेरिफ विभागले बिज्ञप्तिमा जनाएको छ । गोली चल्दा घरमा कोही वयस्क थिए वा थिएनन् भन्ने स्पष्ट नभै सकेको सिबिएसन्यूजले जनाएको छ ।

घटनाको अनुसन्धान जारी रहेको र मृत्युको कारण र तरिका पत्ता लगाउन चिकित्सा परीक्षकको कार्यालयले शव जाँच गर्ने शेरिफ विभागले बताएको छ ।