टाइटानिकको खोजी गर्न निस्केका २ पाकिस्तानी सहित ५ जनाको पनडुब्बीको “विपत्तिजनक विस्फोट” हुंदा निधन भएको छ । टाइटन पनडुब्बीको “विपत्तिजनक विस्फोट” मा हराएका यात्रुहरूका प्रियजनहरूले शोक सन्देश धमाधम पठाउन थालेका छन् । टाइटानिक पनडुब्बीमा समुद्रको भुइँमा १३,००० फिट डुबुल्की मार्ने पाँच जना यात्रुहरू “विपत्तिजनक विस्फोट” मा निधन भएको अधिकारीहरूले बिहीबार बताए ।

एङ्ग्रो कर्पोरेशन लिमिटेड जहाँ पाकिस्तानी व्यापारी शहजादा दाउद उपाध्यक्ष थिए, दाउद र उनका छोरा सुलेमानको मृत्युको बारेमा एक विज्ञप्ति जारी गरेको सिएनएनले जनाएको छ ।

हामी हाम्रा उपाध्यक्ष, शहजादा दाउद, र उहाँका प्यारो छोरा, सुलेमान दाउदको मृत्युमा शोक गर्दछौं भनि बिज्ञप्तिमा उल्लेख गरिएको छ ।

हामी यस अकल्पनीय क्षतिमा शोक गर्ने परिवार, सहकर्मी, साथीहरू र विश्वभरका सबैप्रति हार्दिक समवेदना व्यक्त गर्दछौं, “संस्थाले बिहीबार ट्वीट गरेको छ।

दुबईस्थित एक्शन एभिएसन, यात्रु हमिस हार्डिङको स्वामित्वमा रहेको संस्थाले उनको परिवारको तर्फबाट विज्ञप्ति जारी गरेको छ।

“आज हामी टाइटन पनडुब्बीमा आफ्ना प्रियजनहरू गुमाएका अन्य परिवारहरूसँग शोकमा एकताबद्ध छौं,” विज्ञप्तिमा भनिएको छ,

फ्रान्सेली गोताखोर पल-हेनरी नार्गोलेटको परिवारले उनी “आधुनिक इतिहासमा सबैभन्दा ठूलो गहिरो समुद्र अन्वेषकको रूपमा सम्झिनेछन्।” भनि बिज्ञप्तिमा उल्लेख गरेका छन्।