टाइटानिकको भग्नावशेष स्थलको लागि पनडुब्बीमा गएका ५ जना मध्ये दुई जना पाकिस्तानी अझै बेपत्ता भएका छन् । आरएमएस टाइटानिक १० अप्रिल, १९१२ मा डुबेको थियो जहाँ १५,०० जनाको मृत्यु भएको थियो । टाइटानिकको दुखद घटना र यसको कथाले अन्वेषकहरू, इतिहासकारहरू सबैको चासोको बिषय बनाई दिएको छ । यसको अध्ययन र खोजी गर्ने कार्य निरन्तर भै रहेको अवस्थामा पछिल्लो पनडुब्बीमा ५ जना सवार सहित पनडुब्बी हराएकोले बिश्वको ध्यान यस तर्फ गएको छ ।

अमेरिकी र क्यानाडाले हराइरहेको पनडुब्बीलाई रातभरि खोजी कार्य जारी राखेका छन् भने बेपत्ता पनडुब्बीमा दुई जना पाकिस्तानी रहेको पुष्टि भएको छ ।

पाकिस्तानी समूहले उद्धार प्रयास जारी रहेकोले अनुमान नगर्न सर्वसाधारणलाई आग्रह गरेको छ । पाकिस्तानका व्यापारी शहजादा दाउद र उनका छोरा सुलेमानको परिवारले मंगलबार बेपत्ता पनडुब्बीमा सवार पाँचमध्ये दुई जना रहेको पुष्टि गरेका छन् । दाउद एन्ग्रो कर्पोरेशन लिमिटेडका उपाध्यक्ष हुन भने पाकिस्तानको सबैभन्दा ठूलो व्यापार समूह मध्ये एक हो ।

एक विज्ञप्तिमा, एङ्ग्रोले “सम्पर्क हराएको” भनेर सबै थाहा पाएको बताएको छ र उद्धार प्रयास जारी रहँदा मानिसहरूलाई अनुमान नगर्न आग्रह गरेको छ।

अमेरिकी र क्यानाडाका अधिकारीहरूले रातभरी खोजी प्रयासहरू जारी राख्दा हराइरहेको पनडुब्बीलाई के भयो। किन यसले सतहमा चालक दलहरूसँग सम्पर्क गुमायो। उनीहरु कहाँ छन् र कति गहिरोमा छन् भन्ने कुरा अझै स्पष्ट छैन भनि सिएनएनले जनाएको छ ।

एडिलेड विश्वविद्यालयका पनडुब्बी विशेषज्ञ र सहायक प्राध्यापक एरिक फ्युसिलले पनडुब्बीसँग सीमित पानीमुनि सञ्चार विधिहरूले खोजी गर्न जटिल हुने बताए

टाइटानिक भग्नावशेष स्थलको विशेष उद्धार अधिकारको स्वामित्वमा रहेको आरएमएस टाइटानिक रणनीतिक पहलका वरिष्ठ सल्लाहकार डेभिड ग्यालोले उद्धारकर्ताहरू बेपत्ता पनडुब्बीको टोली खोज्न “समय विरुद्धको दौड” मा रहेको बताए ।