रुसले २० भन्दा बढी जर्मन कूटनीतिज्ञहरूलाई देश निकाला गर्ने रुसी विदेश मन्त्रालयले जनाएको छ ।

रुसको विदेश मन्त्रालयले शनिबार जर्मन अधिकारीहरूले जर्मनीमा रहेका रुसी कूटनीतिक कर्मचारीहरूलाई थप निष्कासन गर्ने निर्णय गरेपछि रुसले जर्मन कूटनीतिज्ञहरूलाई रुसबाट निकाल्ने निर्णय गरेको बताएको छ।

२० भन्दा बढी जर्मन कूटनीतिज्ञहरूलाई निष्कासन गरिएको रुसी विदेश मन्त्रालयका प्रवक्ता मारिया जाखारोभाले शनिबार एक अन्तर्वार्तामा बताए ।

रुसी विदेश मन्त्रालयले एक विज्ञप्ति जारी गर्दै “बर्लिनको शत्रुतापूर्ण कार्यको प्रतिक्रियाको रूपमा” रूसमा जर्मन कूटनीतिक नियोगका कर्मचारीहरूको अधिकतम संख्यामा उल्लेखनीय रूपमा सीमित गर्ने जनाएको छ ।

रुसका लागि जर्मन राजदूतलाई अप्रिल ५ मा उक्त निर्णयबारे जानकारी गराइएको रुसी विदेश मन्त्रालयले जनाएको छ।

अप्रिल २०२२ मा जर्मनीले “ठूलो संख्यामा” रूसी अधिकारीहरूलाई निष्कासन गरे पछि ४० जर्मन कूटनीतिज्ञहरूलाई निष्कासन गरेको छ भनि सिएनएनले उल्लेख गरेको छ ।