अमेरिकाको विस्कनसिन राज्यको मिलवाकीमा एक १२ वर्षीय केटालाई बन्दुक चोर्नको लागि एक व्यक्तिको हत्या गरेको आरोपमा प्रथम श्रेणीको जानाजानी हत्या गरेको आरोप लगाइएको छ ।
अदालतको कागजात अनुसार आफ्नो उमेरका कारण नाम नखुलाईएको बालकले मार्च १५ मा मिलवाकीको घरभित्र ३४ वर्षीय ब्रान्डन फेल्टनलाई गोली हानेको आरोप लगाइएको छ । फेल्टनले बच्चालाई हतियार बेच्न अस्वीकार गरेको प्रहरीले जनाएका छन् ।
यदि दोषी ठहरियो भने बच्चालाई आजीवन कारावासको सजाय हुनेछ। आपराधिक उजुरी अनुसार हत्या भएको राती पिज्जा रसीद फेला परेपछि प्रहरीले उनलाई पक्राउ गर्न सफल भएका थिए ।
बच्चाले हत्याको समयमा घरमा रहेको स्वीकार गर्नु अघि प्रहरीलाई धेरै झुटा बयान दिएका थिए । तर उनले भिडियो गेम ( अङ्कियदृश्य खेल )खेल्न त्यहाँ आएको र हत्याको दोष अरू कसैलाई लगाएका अनुसन्धानकर्ताहरूले बताए ।
सोमबार प्रारम्भिक अदालतमा उपस्थित हुँदा बच्चाको १ लाख डलर धरौटी राखिएको छ भने अदालतको अभिलेख अनुसार प्रारम्भिक सुनुवाइ अप्रिल ४ मा हुने छ।
प्रतिक्रिया