विराटनगर,९ असोज(रासस):प्रदेश नं १ का मुख्य न्यायाधिवक्ता परिवर्तन राईलाई प्रदेश प्रमुखको कार्यालय विराटनगरमा आज सपथ ग्रहण गराइयो ।
प्रदेश नं १ प्रदेश प्रमुख परशुराम खापुङले मुख्यमन्त्री राजेन्द्रकुमार राईको सिफारिशमा नेपालको संविधानको धारा १६० को उपधारा(२)बमोजिम प्रदेश मुख्य न्यायाधिवक्ता पदमा नियुक्ति गर्नु भएको हो ।
मुख्य न्यायाधिवक्ता राईलाई उच्च अदालत विराटनगरका कायममुकायम मुख्य न्यायाधीश सत्यमोहन जोशी थारुले पद तथा गोपनियताको सपथ ग्रहण गराउनु भयो ।
सपथ ग्रहण समारोहमा प्रदेश प्रमुख खापुङ्ग, मुख्यमन्त्री राई, सभामुख प्रदीपकुमार भण्डारी , सामाजिक विकासमन्त्री राजन राई, प्रदेश सभाका सचिव गोपालप्रसाद पराजुली , प्रदेश कार्यालयका कर्मचारीहरुले नव नियुक्त मुख्यन्यायाधिवक्ता राईलाई वधाई तथा सफल कार्यकालको उपकामना दिनु भएको थियो ।
प्रतिक्रिया