नमिठो गरि पछार्छ यस्ले,
बल गरेर उठाऊंछ यस्ले,
लाचार बनाएर खुम्च्याँऊंछ यस्ले,
अनमेल सम्झौंता गराऊंछ,
यस्ले,
तुजुक देखाए, घमण्ड गरे,
आकासबाट
पातालसम्म पुऱ्याऊंछ
यस्ले !
अनुकूलतामा आँखामा राखीदिन्छ,
प्रतिकूलतामा नजरबाट झारीदिन्छ,
यस्ले,
यो परिस्थिति हो,
मान्छेलाइ विवश बनाईदिन्छ,
थांती राखेका रहरका महलहरू
गर्ल्यांड्ग गुर्लुड्ग ढालीदिन्छ,

भोलीमा पटक्कै विश्वास नगर्ने यस्ले,
सोचेको हुनदिंदैन,
नसोचेको गराईदिन्छ,
मान्छेले देखेका रंगीन सपनाहरू
खहरे खोलामा सेलाऊन लगाई दिन्छ,

जस्ले मालिक हुं भन्ने घमण्ड गर्छ
त्यसैलाई दास बनाई दिन्छ,
यो परिस्थिति हो,
चित्त बुझांऊनेलाई मिठो निन्द्रा दिन्छ,
जोरी खोज्नेलाई जागाराम गराई दिन्छ ,
यस्ले !

६/२२/२२

राजमित्र प्रांगण
माल्डेन,बोष्टन,
अमेरिका