रुस समर्थित पृथकतावादीहरूले युक्रेनले रातभरि आक्रमण गरेको आरोप लगाएका छन। संयुक्त राज्य अमेरिकाले यस क्षेत्रमा बढ्दो तनावको बीचमा रुसले युक्रेनमा “कुनै पनि दिन” आक्रमण गर्न सक्छ भनेर चेतावनी दिन जारी राखेको छ ।

राष्ट्रपति जो बाइडेनले गत बिहीबार खतरा अब “धेरै उच्च” रहेको पत्रकारहरूलाई भने । बिहीबार संयुक्त राष्ट्र सुरक्षा परिषदमा तत्काल टिप्पणी गर्दै अमेरिकी विदेश सचिव एन्टोनी ब्लिन्केनले मस्कोलाई कुनै आक्रमण नगर्न चुनौती दिए।

युक्रेनको सिमानामा १५०,००० भन्दा बढी रुसी सेना तैनाथ भएको अनुमान गरिएको अमेरिकी अधिकारीहरूले भनेका छन्।

रुसी राष्ट्रपति भ्लादिमिर पुटिन र क्रेमलिनले केही सेना फिर्ता हुन थालेको दाबी गरे पनि बाइडेनले पत्रकारहरूलाई भने कि मस्कोको दावीको विपरित थप रुसी सेनाहरू भित्रिएको दाबि गरे ।

पुटिनले आफ्नो भूतपूर्व सोभियत छिमेकीलाई आक्रमण गर्ने निर्णय गरेका छन् कि छैनन् भन्ने स्पष्ट छैन।

रुसले आक्रमण गर्ने कुनै योजनालाई अस्वीकार गरेको छ । यता अमेरिका र नेटोले युक्रेनलाई सैन्य गठबन्धनमा संलग्न हुनबाट रोक लगाउने आफ्नो माग दोहोर्‍याएको छ।

पूर्वी युक्रेनमा रुसी नियन्त्रित पृथकतावादीहरूले आइतवार युक्रेनी सेनाले पृथकतावादी नियन्त्रित क्षेत्रहरूमा केही अग्रपंक्ति स्तम्भ (फ्रन्टलाइन पोष्ट)हरूमा रातभरी आक्रमण गर्ने प्रयास गरेको र दुई नागरिकको हत्या गरेको आरोप लगाएका छन् ।

त्यसै गरी बेलारूसी रक्षा मन्त्रीले आइतवार भने कि रूसी र बेलारूसी सेनाले संयुक्त अभ्यासको समापन पछि तयारी जाँच जारी राख्नेछ, जसमा रूसी सेनाले बेलारुसमा आफ्नो बसाइ विस्तार गर्न सक्छ।