हज गर्न चाहनेले कोरोना भ्याक्सिन लगाएकै हुनु पर्ने

साउदी अरबले यो वर्ष ६० हजारभन्दा धेरै मानिसहरुलाई हज यात्रा गर्ने अनुमति नदिने भएको छ । ६० हजार पनि साउदी अरबका नागरिक वा साउदी अरबमा बस्नेहरु नै हुनु पर्ने बताइएको छ ।

विश्वभर कोरोनाभाइरस महामारी चलिरहेकाले यो निर्णय गरेको पनि साउदी अरबले जनाएको छ ।

साउदी अरबको विदेश मन्त्रालयले आफ्नो ट्विटर एकाउन्टमा यो जानकारी दिएको छ । त्यस्तै, यसपटक हज गर्नेहरुले अनिवार्य रुपमा कोरोनाभाइरस भ्याक्सिन लगाइसकेको हुनु पर्ने पनि जनाइएको छ । यो वर्ष १८ देखि ६५ वर्ष उमेर समूहकाले मात्र हज गर्न पाउने पनि साउदी अरबले जनाएको छ ।