विराटनगर,२१ मङ्सिर।पछिल्लो २४ घण्टामा प्रदेश न.१ मा ४६ जना महिला सहित १२३ जना कोरोना सङ्क्रमित थपिएका छन्।

थपिएका सङ्क्रमितमा मोरङमा ४६ मध्ये विराटनगरमा ३४,झापामा ३७, सुनसरीमा १५,इलाममा ११,ताप्लेजुङमा दुई,तेह्रथुम,भोजपुर र उदयपुरमा एकएक र प्रदेश बाहिरका नौ जना रहेको सामाजिक विकास मन्त्रालयले जनाएको छ।

यसैगरी,सोही अवधिमा होमआईसोलेसनबाट २२३, कोशी अस्पताल कोभिड १९ उपचार केन्द्रबाट १४,मेची अस्पतालबाट आठ र न्युरो अस्पतालबाट पाँच, विराट मेडिकल कलेजबाट एक जना सहित २५१ जना डिस्चार्ज भएका छन्।हालसम्म डिस्चार्ज हुनेको सङ्ख्या २३ हजार १५० पुगेको छ।

प्रदेश १ मा कोरोना सङ्क्रमितको सङ्ख्या २८ हजार १७० पुगेको छ भने सक्रियम सङ्क्रमितको सङ्ख्या पाँच हजार २० जना रहेको मन्त्रालयले जनाएको छ।

आज प्रदेशमा ७४३ जना सहित कुल एक लाख ९६ हजार ७४ जनाको पिसिआर परीक्षण भइसकेको मन्त्रालयको भनाई छ।