सञ्चारमन्त्री गोकुल बास्कोटाले ७० करोड कमिसनका लागि यसरी गरे सेटीङ (अडियो सहित)सार्वजनिक

इनेप्लिज २०७६ फागुन ७ गते २३:५५ मा प्रकाशित

गत बर्ष नोभेम्बर महिनामा नेपाली पत्रकारहरूको अन्तर्राष्ट्रिय संजाल (ईन्जा) ले १ हजार अमेरिकी डलर नगद र ‘ईन्जा साहसी पत्रकारिता पुरस्कार’ प्रदान गरेका हाम्रा कुरा डटकमका सम्पादक अजयबाबु सिवाकोटीले अर्को साहसिक कार्य गरेका छन् ।

उनले अर्को साहसिक कार्य गर्ने क्रममा सञ्चारमन्त्री गोकुल बास्कोटाले ७० करोड कमिसन(दलाली/छुट )को लागि सेटीङ (अडियो सहित)भएको भनि सार्वजनिक गरेका छन् । जुन हाल बिश्व भर व्यापकरुपमा नेपाली समुदायमा पुगी रहेको छ । र प्रतिकियाहरु व्यापक रुपमा सामाजिक संजालमा आई रहेको छ ।

एक स्वीस कम्पनीको नेपाली एजेन्टसँग मन्त्री बास्कोटाले आफूले पाउने कमिसनका लागि सेटीङ गरेको अडियो हाम्राकुराले प्राप्त गरेको छ भनि समाचार प्रकाशित गरेको छ ।

हाम्राकुरामा स्विस कम्पनीको स्थानीय एजेन्ट विजयप्रकाश मिश्र शर्मासँगको कुराकानीका क्रममा मन्त्री बाँस्कोटाले कुन ट्रयाकबाट कमिसन बढी निकाल्ने सम्मको सल्लाह गरेको समेत भनेको उल्लेख गरेका छन् । साथै सामान्य तरिकाबाट कम कमिसन(छुट)आउने र बढी कमिसन(छुट)का लागि आउट अफ ट्रयाक(मार्ग भन्दा बाहिर ) जानुपर्ने सुझाव समेत एजेन्ट मिश्रको छ भनि हाम्रा कुराले समाचार प्रकाशित गरेको छ ।

स्मरण रहोस ,हाम्रा कुरा डटकमले एक महिलामाथि निवर्तमान सभामुख कृष्णबहादुर महराले यौन दुर्व्यवहार गरेको बारेमा समाचार पहिलो पटक सार्वजनिक गरेको थियो। बलात्कार प्रयास प्रकरणमा ३० दिनको प्रहरी हिरासत र १०३ दिनको कारागारवास पश्चात अन्ततः पुर्वसभामुख कृष्णबहादुर महरालाई जिल्ला अदालत काठमाडौंले सफाई दिएको छ ।

प्रधानमन्त्री केपी शर्मा ओलीका नजदिकका बास्कोटाले सरल रुपमा मुक्ती नपाउने अवस्था सृजना हुने सम्भावना रहेको छ । कसैको ढाडमा चडेर टाउकोमा हिर्काउने षडयन्त्र हुन् पनि सक्ने अनुमान गरिएको छ । यसमा नेपाली उखान झैँ लहरो तान्दा पहरो जाने सम्भावना पनि हुन् सक्ने छ ।

श्रोत ;हाम्राकुरामा प्रकाशित समाचार र श्रवण (अडियो) जस्ताको त्यस्तै :

सञ्चारमन्त्री गोकुल बास्कोटाले ७० करोड कमिसनका लागि यसरी गरे सेटीङ (अडियो सहित)

काठमाडौं। सूचना तथा सञ्चारमन्त्री गोकुल प्रसाद बास्कोटाले सेक्युरिटी प्रिन्टीङ प्रेसको खरिदमा ७० करोड कमिसनका लागि सेटिङ गरेको प्रमाण हाम्राकुरा डटकमले प्राप्त गरेको छ।

एक स्वीस कम्पनीको नेपाली एजेन्टसँग मन्त्री बास्कोटाले आफूले पाउने कमिसनका लागि सेटीङ गरेको अडियो हाम्राकुराले प्राप्त गरेको हो। स्विस कम्पनीको स्थानीय एजेन्ट विजयप्रकाश मिश्र शर्मासँगको कुराकानीका क्रममा मन्त्री बाँस्कोटाले कुन ट्रयाकबाट कमिसन बढी निकाल्ने सम्मको सल्लाह गरेका छन्। नर्मल तरिकाबाट कम कमिसन आउने र बढी कमिसनका लागि आउट अफ ट्रयाक जानुपर्ने सुझाव समेत एजेन्ट मिश्रको छ।

७० देखि ७५ करोड कमिसन आउँदा त्यसको ७० प्रतिशत कमिसन मन्त्रीलाई दिने प्रस्ताव सुनेपछि त्यो भनेको कति भनेर सोध्ने मन्त्री बास्कोटालाई उनले ५५ करोड जति कमिसन हुने प्रष्ट पारेका थिए।

सरकारका एक पछि अर्का निर्णयहरु विवादास्पद र भ्रष्टाचारलाई बढावा दिने खालका तथ्यहरु सार्वजनिक भइरहँदा प्रधानमन्त्री केपी शर्मा ओलीका प्रिय पात्र समेत रहेका बास्कोटा यति ठूलो कमिसन प्रकरणमा जोडिने घटनाले सरकारका मन्त्री तथा अधिकारीहरु संस्थागत भ्रष्टाचारमा समेत चुर्लुम्म डुबेको देखाएको छ।

प्रधानमन्त्री ओलीले आफू भ्रष्टाचार गर्दिन र गर्न पनि दिन्न भनेर सरकारको नेतृत्व लिएदेखि त्यसलाई गिज्याउने गरि घटनाहरु सार्वजनिक भइरहेका छन्। यो प्रकरणमा प्रधानमन्त्री ओलीले मन्त्री बास्कोटालाई अन्य प्रकरणमा आफ्ना प्रियहरुलाई दिएको झै उन्मुक्ति दिन्छनकी कार्वाहीको दायरामा ल्याउँछन त्यो हेर्न बाँकी छ।

यिनै एजेन्ट मिश्र सार्वजनिक लेखा समितिले बोलाएको छलफलमा समेत विज्ञको रुपमा छलफलमा सहभागि भएका थिए। उनलाई मन्त्रीले २७ अर्वको लागत लाग्ने देखिए त्यसलाई २८ अर्व बनाउन सुझाव दिएर थप एक अर्व समेत भ्रष्टाचार गर्न पनि सिकाएको अडियोमा सुनिन्छ।

विजय प्रकाश मिश्र शर्माः यो १२ गते १२ बजेपछि स्वीस एम्वेसी आउँछ। स्वीस एम्वेसीले बोलाएर आउँछ तपाइले बोलाएर आउने हैन

-मन्त्री गोकुल बास्कोटाः ह…

-विजय प्रकाश मिश्र शर्माः सकेसम्म एमओयू गर्नेकी भन्ने हिसावले आउन थालेको छ। तपाइहरुको -कार्यक्रमको बारेमा एम्वेसडरले छुट्टै कुरा गर्न चाहेको छ।

-मन्त्री गोकुल बास्कोटाः ठीक छ।

-विजय प्रकाश मिश्र शर्माः त्यसका लागि तपाइले टाइम मिलाइदिनुपर्‍यो।

-मन्त्री गोकुल बास्कोटाः मिलाइदिन्छु।

-विजय प्रकाश मिश्र शर्माः त्यसका लागि(कमिसनका लागि) हामी आउट अफ ट्याक जानेकी -तपाइले भने अनुसार नै गर्ने लु भन्नुस।

-मन्त्री गोकुल बास्कोटाः अब। क्यापासिटीको कुरा।

-विजय प्रकाश मिश्र शर्माः कुरा चाहि मैले राखेको छु उनीहरुलाई।

-मन्त्री गोकुल बास्कोटाः उनीहरुलाई नर्मलमा ५० भन्ने?

-विजय प्रकाश मिश्र शर्माः त्यसमा नर्मलमा

-मन्त्री गोकुल बास्कोटाः उनीहरुले कति निकाल्छन?

-विजय प्रकाश मिश्र शर्माः यस्को टोटलको पर्सेन्ट निकाल्ने हो।

-मन्त्री गोकुल बास्कोटाः टोटल कति निस्कन्छ त्यो हेरौं।

-विजय प्रकाश मिश्र शर्माः केहि न केहि त भइराछ त्यहि बेसमा जाने हो। बेसचाहि तपाइहको उसमै जाने हो हामी।

-मन्त्री गोकुल बास्कोटाः सकेसम्म २५ देखि २७ अर्वमा सकाउन पाए हुन्थ्यो। मानौ २५ निस्कयो भने कति हुन्छ?

-विजय प्रकाश मिश्र शर्माः ७० जति आउलाकी! आउट अफ ट्याक नजादा ७० जति आउलाकी।

-मन्त्री गोकुल बास्कोटाः तपाइलाई के गर्छन? छुट्टै गर्छन?

-विजय प्रकाश मिश्र शर्माः टोटल ७४ जति आउँछ भन्ने हाम्रो अनुमान छ। यसमा ७० प्रतिशत -तपाइहरुलाई दिने हो, हामीले ३० प्रतिशत राख्ने हो। यो एकदमै ट्रान्सपरेन्ट हुन्छ।

-मन्त्री गोकुल बास्कोटाः त्यो भनेको कति हुन्छ?

-विजय प्रकाश मिश्र शर्माः ५४ देखि ५५ करोड तपाइहरुलाई दिने १५ देखि १६ हामीले राख्ने। -हामीले पनि त अलि अलि राख्नुपर्‍योनी। आउट अफ ट्याक गइयो भने…

-मन्त्री गोकुल बास्कोटाः अनि यो कर्मचारीसँग कस्ले कुरा गर्छनी?

-विजय प्रकाश मिश्र शर्माः त्यो कुरा तपाई गर्नुस।

-मन्त्री गोकुल बास्कोटाः एउटा के नगर्नुस भने यी मु…कर्मचारीलाई यस्तो कुरा गर्न लाग्यो भने -यिनले हेप्छन। त्यसकारण यो कुरामा तपाई आफै लाग्नुस। कुरा बुझ्नुभो..

-विजय प्रकाश मिश्र शर्माः त्यसो भए म आफै लाग्छु। उसले त बनाएर राखिसकेको छ।

-मन्त्री गोकुल बास्कोटाः त्यो मु..ले बनाएको त ३५ अर्बको छ। अब यता २७ अर्ब निस्कयो भने २८ अर्वको बनाउनुस।

प्रतिक्रिया